سپاه گنراللاری ایران‌دا فاکتیکی اولاراق حاکمیتی اله کئچیریبلر. عالی دینی لیدر اؤلدورولوب، یئنی لیدر سئچیلمه‌ییب، پرزیدنت مسعود پزشکیانین ایسه صلاحیتی یوخ‌دور. محاربه‌نی آپارانلار و قونشو اؤلکه‌لری راکت و درون آتشینه توتان سپاه گنراللاریدیر.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او بیلدیریب کی، استراتژی دوشونه بیلمه‌یه‌ن بو گنراللار ایرانی داها آغیر تلاطوملره سوروکله‌ییرلر:

«ایرانین آذربایجان اراضی‌سینه درون ضربه‌سی یالنیز ایکی اؤلکه آراسین‌داکی مناسبتلری گرگینلشدیرمه‌دی، ایرانین بؤیوک امید بسله‌دیی شمال-جنوب نقلیات دهلیزینین فعالیتی غیر-معین دؤوره قدر دایاندیریلدی، ایدخال-اخراج عملیاتلاری دوندورولدو. و یا ایران گونلردیر بیرلشمیش عرب امیرلیکلرینه ضربه‌لر ائندیریر. بیرلشمیش عرب امیرلیکلری بونا جواب اولاراق ایرانین میلیاردلارلا دلارلیق آکتیولرینی دوندورماغا قرار وئریب. معلوم اولوب کی، بیرلشمیش عرب امیرلیکلرینی هدف سئچه‌ن سپاه-این بو اؤلکه‌ده‌کی بانکلاردا مختلف حسابلاری وار. سپاه بو حسابلار واسطه‌سیله غربین سانکسییالاریندان یایینیر و پول کوتله‌سینی گیزلتمه‌یه چالیشیردی. یعنی ایران‌داکی رادیکال گوجلر اوتوردوقلاری بوداقلاری کسیرلر».