ایرانین محاربه‌ده قونشو اؤلکه‌لره هجوم استراتگییاسی اوچ تاکتیکایا حسابلانیب:

۱. آمریکا-یا جواب اولاراق قونشو اؤلکه‌لرده - یاخین شرقده یئرلشه‌ن بازالارینا ضربه ائندیرمک؛

۲. محاربه‌نی رگیونا یایماقلا آمریکا و اسرائیله قارشی آنتی-محاربه جبهه‌سی یاراتماق؛

۳. رگیون اؤلکه‌لرینی ده محاربه آلوونون ایچینه داخل ائتمکله بوندان آمریکا-یا قارشی «استراتژی چکیندیرمه» مقصدیله استفاده ائتمک؛

بورادا ایران رژیمینین «بیز ساغ قالمایاجاغیقسا، هر کس محاربه‌دن اؤز پایینی آلمالی‌دیر» منتیقی ده رول اویناییر.

بو استراتگیا خامنه‌ای طرفیندن اؤلومون‌دن اؤنجه حاضیرلانیب. ایران مدیاسین‌دا یاییلان معلوماتلاردان، اکسپرتلرین آچیقلامالاریندان بئله نتیجه چیخیر کی، خامنه‌ای گئنیش‌مقیاسلی هجوم باشلایاجاغی، یاخود اؤزونون اؤلدورولجه‌یی تقدیرده، استراتگییانین ایشه سالینماسینی وصیت ائدیب.

ایران پرزیدنتی مسعود پزشکیانین سون آچیقلاماسی – هجوملارا گؤره قونشو اؤلکه‌لردن عذر ایسته‌مه‌سی و «موقتی رهبرلیک شوراسی قونشو اؤلکه‌لره هجوم ائتمه‌مک و همین اؤلکه‌لردن ایرانا هجوم اولماسا، راکت آتماماق باره‌ده قرار قبول ائدیب» سؤزلری خامنه‌انین حاضیرلادیغی استراتگییادان امتنا ائتدیکلری فکرینی یارادیر. ایرانین قونشو اؤلکه‌لره هجوم‌دان ایندی امتنا ائتمه‌سینین بیر سببی اولا بیلر: رژیمین محاربه آپارماق امکانلاری توکه‌نیر (راکت احتیاطلارینین آزالماسی ایله باغلی گئنیش معلوماتلار موجوددور)؛

لاکن پزشکیانین آچیقلاماسی رژیم داخلینده و طرفدارلاری آراسین‌دا بیرمعنالی قارشیلانماییب. قم‌دان اولان ملت وکیلی محمد منان رئیسی بو آچیقلامانی ایران اوچون آلچالدیجی آدلاندیریب و قید ائدیب کی، اکسپرتلر مجلسی یئنی دینی لیدری ممکون قدر تئز سئچمه‌لیدیر. پارلامنتین ملی تهلوکه‌سیزلیک و خارجی سیاست کمیسیاسینین رهبری ابراهیم عزیزی ایسه «بؤلگه‌ده بوتون آمریکا و اسرائیل بازالاری قانونی هدفدیر» آچیقلاماسینی وئریب.

ایران مدیاسین‌دا دا پزشکیان تنقید اولونوب. اکسپرتلر بیلدیریر کی، «شهید امام»این (خامنه‌ای) دئدیی «رگیونال محاربه» شرحه آچیق دئییل».

محافظه‌کارلارا یاخینلیغی ایله سئچیله‌ن اکسپرت میثم نیلی «یئنی لیدرین معیینلشدیریلمه‌سی عرفه‌سینده نیه «شهید امام»این حربی استراتگییاسین‌دان گئری چکیلمه‌لییک؟ الله-ا آند اولسون کی، ایسته‌نیله‌ن آتشکس خیانتدیر» دئییب.

بو آچیقلامالار ایرانین قونشو اؤلکه‌لره ملکی اوبیکتلر ده داخل اولماقلا توتال هجومونون خامنه‌ای طرفیندن حاضرلانان «حربی استراتگییا» اولدوغونو تصدیق ائدیر.

اساس دقت‌چکه‌ن مقاملاردان بیری ده پزشکیانین «عزرخواه‌لیق ائتمه‌سی» و «قونشو اؤلکه‌لره هجوم‌دان امتنا» آچیقلاماسی عرفه‌سینده ایران دوبای و ابوظبییه هجوم ائتمه‌سی‌دیر. بونون فونوندا ایران اردوسو و سپاه-این وئردیی آچیقلامالار پزشکیانین دئدیکلریندن فرقله‌نیر.

ایرانین حربی-سیاسی رهبرلیینین موقعیی و مدیادا یاییلان معلوماتلاردان/آچیقلامالاردان ایکی نتیجه چیخیر:

بیرینجی‌سی، حربی و سیاسی رهبرلیک آراسین‌دا محاربه ایله باغلی جدی فکر آیریلیغی یارانیب: بو، ضدیتلر اولدن موجود ایدی، ایندی داها دا درینلشدیی استثنا ائدیلمه‌مه‌لیدیر؛

ایکینجی‌سی، حربی امکانلاری محدودلاشان رژیم قونشو اؤلکه‌لردن عذر ایسته‌مکله ایرانا قارشی جبهه‌نین گئنیشله‌نمه‌سینین قارشی‌سینی آلیر، دیگر طرفدن، آمریکایا قارشی «استراتژی چکیندیرمه» امکانلارینی ان آزی ریتوریکادا ساخلاماغا چالیشیر؛