پرزیدنت ایلهام علیئو پاکستان اسلام رسپوبلیکاسینین باش ناظری محمد شاهباز شریفه تبریک مکتوبو عنوانلاییب.

Axar.az مکتوبون متنینی تقدیم ائدیر:

"حرمتلی جناب باش ناظر،
عزیز قارداشیم،

۲۳ مارت − پاکستان گونو مناسیبتیله سیزه و قارداش خالقینیزا اؤز آدیم‌دان و آذربایجان خالقی آدیندان ان صمیمی تبریکلریمی و خوش آرزولاریمی چات‌دیرماقدان ممنونلوق دویورام.

درین تاریخی کؤکلر، اورتاق دینی-معنوی دیرلر ایله بیر-بیرینه باغلی اولان قارداش خالقلاریمیزین اراده‌سیندن قایناق‌لانان آذربایجان-پاکستان مناسیبتلری بو گون یوکسک پیلله‌ده قرارلاشمیشدیر. عالی سوییه‌لی منتظم قارشی‌لیقلی سفرلر، سیخ تماسلاریمیز، آرامیزداکی فعال دیالوگ دولتلرآراسی مناسیبتلریمیزین بوتون ساحه‌لرده محکه‌مله‌نمه‌سینه، هم ایکیطرفلی اساسدا، هم ده چوخطرفلی مستوی‌ده یئنی طرفداش‌لیق امکانلارینین رئاللاشماسینا مهم تکان وئریر. بو اسنادا کئچن ایل اؤلکه‌میزه حیاتا کئچیردیینیز سفرلری خصوصی قید ائتمک ایستردیم.

آذربایجان ایله پاکستان آراسیندا علاقه‌لر چوخ‌شاخه‌لی امکداشلیق گوندلیینه مالیک‌دیر. اؤلکه‌لریمیزین سیاسی، اقتصادی، تجاری، صنایع، انرژی، نقلیات-لوگیستیکا، مدافعه، اینوئستیسییا، هومانیتار و دیگر ساحه‌لرده قارشی‌لیقلی فایدالی امکداشلیغی گون‌دن-گونه یئنی مضمونلا زنگینلشیر. بیر مدت اول اسلام‌آباددا ایلک "آسان خدمت" مرکزینین فعالیته باشلاماسی گئنیش‌میقیاسلی دولتلرآراسی امکداشلیغیمیزین یئنی پراکتیکی نتیجه‌سی‌دیر. ایکیطرفلی امکداشلیق زمینینده قیسا مدت عرضینده الده ائتدییمیز نائیلیتلر خالقلاریمیزین رفاهینا و فیراوانلیغینا، رئگیونوموزدا امکداشلیغا خدمت ائدیر.

چوخطرفلی اساسدا دا آذربایجان ایله پاکستان آراسیندا قارشی‌لیقلی اعتماد و دسته‌یه اساسلانان امکداشلیق اوغورلا داوام ائدیر. رئگیونال و گلوبال مسئله‌لره اورتاق باخیشلاریمیز، بین‌الخالق تشکیلاتلار چرچیوه‌سینده قارشی‌لیقلی دسته‌ییمیز آذربایجان-پاکستان قارداشلیغینین و همرایلیینین بارز نمونه‌لری‌دیر.

دولتلرآراسی علاقه‌لریمیزین و استراتژی طرفداشلیغیمیزین داها دا محکملندیریلمه‌سی و درینلشدیریلمه‌سی نامینه دایم نماییش ائتدیردیینیز قطعیتینیزی و عزمینیزی چوخ یوکسک قیمتلندیریرم.

امینم کی، قارداش اؤلکه‌لریمیز آراسیندا فورمالاشمیش و خالقلاریمیزین عمومی منافعلرینه تام جواب وئره‌ن آذربایجان-پاکستان ایستراتژی طرفداشلیغی بیرگه قطعیتلی سعیلریمیز سایه‌سینده بوندان سونرا دا محکه‌مله‌نمه‌یه و درینلشمه‌یه داوام ائد‌جک‌دیر.

بو بایرام گونونده سیزی بیر داها اورکدن تبریک ائدیر، سیزه محکم جانساغلیغی، خوشبخت‌لیک، قارداش پاکستان خالقینین امین-آمانلیغی و فیراوانلیغی نامینه مسئول و شرفلی فعالیتینیزده اوغورلار و یئنی-یئنی نائیلیتلر آرزولاییرام".