ایران طرفی ناخچیوان استقامتین‌ده باش وئرمیش راکت-درون حادثه‌سینین آراشدیریلاجاغینی آذربایجان طرفینه وعد ائدیب.

Axar.az خبر وئریر کی، بونو عموم لی لیدر حیدر علی‌یئوین آنادان اولماسینین ۱۰۳-جو ایل دؤنومو ایله باغلی فخری خیابانی زیارت ائد‌ن آذربایجانین خاریجی ایشلر ناظری جیحون بایراموو ژورنالیستلره آچیقلاماسیندا دئییب.

ناظرین سؤزلرینه گؤره، حادثه باش وئرن کیمی آذربایجان طرفیندن درحال رئاکسیا وئریلیب و ایران ایله چوخسایلی تماسلار حیاتا کئچیریلیب.

"ایران ایسلام رسپوبلیکاسینین پرزیدنتی طرفین‌دن جناب پرزیدنته زنگ اولموشدو. منیم ده ایران خارجی ایشلر ناظری ایله بیر نئچه تلفن دانیشیغیم اولوب. ایران طرفی راکت و درونلارین ایران طرفین‌دن آتیلمادیغینی ادعا ائدیر. اونلارین یاناشماسی اوندان عبارت‌دیر کی، بورادا هانسی‌سا اوچونجو اؤلکه‌لرین تخریباتی حیاتا کئچیریلیب. مسئله ایله باغلی حربچیلر خطی ایله ده بیر نئچه تماس باش توتوب".

خاطرلاداق کی، مارتین ۵-ده ایران اراضی‌سین‌دن پیلوتسوز اوچوش آپاراتلاری (پوا) ایله نخچیوان اراضی‌سینه هجوم ائدیلیب. درونلاردان بیری ناخچیوان بین‌الخالق هوا لیمانینین ترمینال بیناسینین اوزرینه، ایکینجی‌سی ایسه بابک رایونو شکرآباد کندینده‌کی مکتب بیناسینین یاخینلیغینا دوشوب. هوا لیمانینا هجوم نتیجه‌سین‌ده دؤرد مولکی شخص خسارت آلیب. حادثه ایله علاقه‌دار ایرانین آذربایجان‌داکی سفیری مجتبی دمیرچی‌لو خارجی ایشلر ناظرلیینه (خین) چاغیریلیب. آذربایجان جواب تدبیرلری گؤرمک حقوقونو اؤزونده ساخلادیغینی بیان ائدیب.