بین‌الخالق انرژی آگنتلیی گلوبال نفت احتیاطلارینین آزالماسی و یای موسومونده طلباتین آرتماسی فونوندا نفت بازارلارینین «قیرمیزی زونا»یا داخل اولا بیلجیی باره‌ده خبردارلیق ائدیب.

Axar.az خبر وئریر کی، بونو قورومون رهبری فاتح بیرول لوندونداکی «Chatham House» تدقیقات مرکزینده چیخیشی زمانی دئییب.

او بیلدیریب کی، یای آیلاریندا یاناجاغا طلباتین پیک هده چاتماسی، یاخین شرقدن یئنی نفت اخراجینین اولماماسی و گلوبال احتیاطلارین آزالماسی ایول و آوگوست آیلاریندا نفت بازاریندا جدی گرگینلیک یارادا بیلر.

بیرول وورغولاییب کی، موجود انرژی بحرانینین حلی اوچون ان مهم آددیم هرمز بوغازینین تام و قید-شرط‌سیز شکلده یئنیدن آچیلماسیدیر.

اونون سؤزلرینه گؤره، بوغازین باغلی قالماسی و یاخین شرقدن یئنی تداروکون اولماماسی گلوبال احتیاطلارین داها دا توکه‌نمه‌سینه سبب اولاجاق.