آذربایجاندا فعالیتینه سون قویولموش ایرانمیللی دینی شبکهنین آلمانیادا یاشایان نمایندهلرینین بو اؤلکهنین خارجی ایشلر ناظیرلیینده قبول ائدیلمهسی سواللار یارادیر: رسمی برلین بو شخصلرین کیملیی حاقیندا معلوماتلیدیرمی، اونلارین آلمانیا، عمومیلیکده آوروپا اوچون یاراتدیغی تهلوکهنین فرقیندهدیرمی؟
آلمانیانین آذربایجانا قارشی مختلف اؤلکهلرین-قوهلرین ماراقلارینا اویغون فعالیت گوسترن خیانتکارلارین، عینی زماندا، ایرانین تأثیری آلتیندا اولان، بو اؤلکهنین خصوصی خدمت ارگانلارینین گؤستریشلری ایله حرکت ائدن رادیکال دینی شبکه عضولرینین اساس مکانینا چئوریلدیی بللیدیر. آوروپایا گئدن شبکه عضولرینین خصوصیله آلمانیادا یئرلشمهسی تصادفی دئییل.
بیرینجیسی، «سیاسی مهاجر» اولدوقلاری ادعاسی ایله بو اؤلکهنین قوروملارینی آلدادا بیلیرلر؛
ایکینجیسی، ایرانمیللی شخصلرین بیر چوخو داها اؤنجهدن آلمانیایا گئدهرک، بو اؤلکهده یئرلشمیی باجاریب و شبکهنین دیگر عضولرینین کؤچمهسینه شرایط یارادیرلار.
شبکه عضولرینین آلمانیادا یاشاماسی و فعالیت گؤسترمهسینه یارادیلان شرایط، حتی رسمی قوروملار طرفیندن قبول ائدیلمهلری گؤستریر کی، یا بو اؤلکه معین مقصدلر نامینه بونا گؤز یومور، یا دا اونلار حاقیندا تام معلوماتلی دئییل. حالبوکی، آلمانیا خارجی ایشلر ناظیرلیینده قبول ائدیلهنلرین ایرانین سلاحلی پروکسی قوهلریندن فرقی یوخدور و حاضردا «دموکراتییا» شعارلاری سسلهندیرسهلر ده، ایستهنیلهن واخت قانلی آکتلارا ال آتاراق، آوروپانی یاخین شرقه چئویرمک، آذربایجاندا حیاتا کئچیره بیلمدیکلری پلانلارینی تکرارلاماق پوتنسیالینا صاحبدیرلر. چونکی بو شخصلر نه «سیاسی مهاجر»، نه ده غرب فوندلارینین «قهرمانی» اولان اولترا-لیبراللار دئییل، ایراندان وئریلهن فتوالاری «قانون» کیمی قبول ائدن حزبالله چیلاردیر.
اونلارین آوروپایا اوز توتماسی دا محض حزبالله-ین آذربایجان قانادینی یاراتماق، شریعت رژیمی قورماق جهدلری باش توتمادیقدان سونرا باشلاییب. بوتون معلوماتلار آچیق منبعلرده، مطبوعات صفحهلرینده موجود اولسا دا، گؤرونور، آلمانیایا یئنیدن خاطیرلاتماق احتیاجی وار.
ناردارانین ایراندان گلن دیرکتیولرله قارا بایراقلار آلتیندا اداره اولوندوغو تاریخ اوزاق کئچمیش دئییل. ایران آذربایجاندا شریعت رژیمی قورولماسی پلانیندا پلاتفورما اولاراق گؤردویو قصبهنی هله ۹۰-جی ایللرده «دینی کانتون» کیمی اداره ائتمهیه چالیشیردی. بو پلانی حیاتا کئچیرمک مقصدیله ایران خصوصی خدمت ارگانلاری ایله امکداشلیغی سر اولمایان طالع باغیرزاده طرفیندن ۲۰۱۵-جی ایلده «مسلمان بیرلیی حرکاتی» یارادیلدی. سلاحلی گروپلاشمانین یارادیلماسی ایرانین آذربایجاندا حزبالله مدلینی تطبیق ائتمک پلانینین ترکیب حصهسی ایدی و فعالیته باشلاماسیندان قیسا مدت سونرا– ۲۰۱۵-جی ایلده نارداراندا حرکته کئچدیلر. گروپلاشما ترور آکتی ایله ناردارانی تمامیله اله کئچیرمک، داها سونرا آذربایجاندا شریعت رژیمینین قورولماسی استقامتینده سلاحلی هجوملارا باشلاماق ایستهییردی. لاکن موافق ارگانلارین آییق-ساییقلیغی و زمانیندا مداخلهسی نتیجهسینده پلان ایفلاسا اوغرادی. شبکهنین داغیدیلماسیندان سونرا بیر سیرا عضولری آوروپایا، محض آلمانیایا کؤچدولر. بو، پروسسین بیرینجی مرحلهسی ایدی. ایکینجی مرحله ۲۰۱۸-جی ایلده گنجهده باش وئردی. نارداراندا افلاسا اوغرایان ایران پلانینی حیاتا کئچیرمک مقصدیله گنجهنی هدفه آلدی. کئچمیش آذربایجان وطنداشلارینین ایراندا یاراتدیغی سلاحلی «حسینیون» گروپلاشماسی گنجه پلانیندا اجراچی رولوندا اشتراک ائدیردی. گروپلاشمانین سوریاداکی دوشرگهلرده حاضرلادیغی یونس سفروو گنجهده ترور آکتینا تؤرتدیکدن سونرا، «مسلمان بیرلیی حرکاتی»نین عضولری هجوما کئچدیلر. ایکینجی جهدین ده قارشیسی آلیندی و آذربایجاندا «شریعت رژیمی» قورماق امکانلاری تمامیله سیرادان چیخاریلدی. بوندان سونرا شبکهنین دیگر عضولری ۲۰۱۵-جی ایلدن سونرا آلمانیایا کؤچموش و مختلف آدلار آلتیندا اؤزلرینه یئر ائده بیلمیش حزباللاچیلارین یانینا گئتدی. و بو اؤلکهده «سیاسی مهاجر»، «دموکرات»، «انسان حاقلارینین مدافعهچیلری» آدی آلتیندا شبکهلشمیی باجاردیلار.
یاراتدیقلاری تشکیلاتلارین آدی و فعالیت استقامتلرینی محض «سیاسی آزادلیق»، «انسان حاقلارینین مدافعهسی» کیمی مسئلهلر اوزریندن قورماقلا اصل کیملیکلرینی گیزلتمهیه چالیشیرلار. مثال اوچون، ۲۰۱۸-جی ایلده ایرانمیلیلرین یاراتدیغی «دموکراتیک آذربایجانی سئچ» (داس) تشکیلاتی بونون رئال نمونهلریندن بیریدیر. ایرانا باغلی شخصلر بئله آدلار آلتیندا گیزلهنمکله هم «سیاسی مهاجر» کیمی یاشایا، هم ده گئرچک فعالیتلرینی پردهلهیه بیلیرلر. شبکهنین برلینده فدرال کانسلر بناسینین اؤنونده کئچیردیکلری سون آکسیا دا اونلارین فعالیتلرینی نئجه گیزلتدیکلرینی اورتایا چیخاردی. «۶ دیندار خانیما آزادلیق» شعارینین سسلندیریلدیی آکسیانین ایرانین تاپشیریغی و مالیهسی ایله تشکیل ائدیلدیی حاقدا معلوماتلار وار. تشکیلاتچیلارین «مسلمان بیرلیی حرکاتی»نین عضولری اولماسی، طالع باغیرزادنین «تشکور مکتوبو» عنوانلاماسی دا بونو دئمهیه اساس وئریر. شبکه عضولرینین کاموفلیاژ اولماق و فعالیتلرینی لگیتیملشدیرمک مقصدیله استفاده ائتدیکلری تاکتیکالاردان بیری ده آوروپا اؤلکهلرینین رسمی انستانسییالارینی قاپی-قاپی گزهرک، آذربایجاندا گویا دینی آزادلیقلارین پوزولدوغو حاقدا شکایتلر ائتمکدیر.
بورادا سوال دوغوران اساس مقام آلمانیا حکومتینین ایران خصوصی خدمت ارگانلارینین نظارتینده اولان بو شبکهیه قوجاق آچماسی، اونلارین خارجی ایشلر ناظیرلیینده قبول ائدیلمهسیدیر. آلمانیا خصوصی خدمت ارگانلاری بو شبکهنین ایرانا باغلی اولدوغونو دوغرودانمی بیلمیر؟ آخی هر شی آچیق منبعلرده موجوددور و بونو گؤرمک، اونلارین مقصدینی آنلاماق اوچون کشفیات آختاریشلارینا احتیاج یوخدور. او دا سر دئییل کی، بو شبکه ایرانین تاپشیریغی ایله آلمانیادا اجماعلاشاراق، حزبالله-ین آوروپا قانادینی فورمالاشدیرماغا چالیشیر. ایران مختلف اؤلکهلرده بو تاکتیکادان زمان-زمان استفاده ائدیب. گورجوستاندا آذربایجانلیلاردان عبارت یاراتدیقلاری حجرهلر بئله نمونهلردندیر. آذربایجاندان گئتمیش «مسلمان بیرلیی حرکاتی»نین عضولری واسطهسیله حجرهلرین یارادیلماسی پروسسی حاضردا آوروپادا حیاتا کئچیریلیر. بو حجرهلر یاخین شرقده اولدوغو کیمی، ایراندان وئریلهن تاپشیریقلارلا ایستهنیلهن واخت حرکته کئچه و ترور آکتلاری تؤرهده بیلرلر. واختیله نارداراندا و گنجهده بونا جهد ائدیبلر، حاضردا حزبالله-ین، حوثیلرین تمثالیندا پروکسی قوهلرین نهلر ائتدیی ده گؤز اؤنوندهدیر. بو شبکه ایرانین ایستدیی واخت حرکته کئچیرجیی پوتنسیال ترور گروپلاشماسیدیر. آلمانیا حکومتینین، بو اؤلکهنین خصوصی خدمت ارگانلارینین ایسه بوتون بونلاری گؤرمهمهسی، یاخود گؤرمک ایستهمهمهسی، عکسینه اونلارا «قوجاق آچماسی» آچیق سواللار یارادیر.
بس، بو شبکه باغلی اولدوقلاری قوهلرین تعلیماتی ایله آلمانیادا هانسیسا ترور آکتی تؤرتسه، مسئولیتی کیم داشییاجاق؟ جواب بللیدیر: بو گون شبکه عضولرینی قبول ائدن آلمانیا حکومتی، اونلارین گئرچک کیملیینی گؤرمهیهن، یاخود گؤرمک ایستهمهیهن آلمانیا خصوصی خدمت ارگانلاری. آذربایجان بو مسئلهده هئچ بیر مسئولیت داشیمیر. چونکی اونلار آذربایجاندان گئتسهلر ده، بیرباشا ایران خصوصی خدمت ارگانلارینا باغلی پروکسی قوهلردیر. محض آذربایجاندا شریعت رژیمی قورماق پلانلاری افلاسا اوغرادیغی اوچون آوروپایا – آلمانیایا گئدیبلر.
آذربایجان بو شبکهنین گئرچک کیملیینی و اصل مقصدلرینی افشا ائدیب. هر شی آچیق منبعلرده موجوددور. بو باخیمدان، آوروپا، خصوصیله آلمانیا رئال تهلوکهنی آدکوات قیمتلهندیرمهلی، شبکهنین نیتراللاشدیریلماسی استقامتینده تدبیرلر گؤرمهلیدیر. عکس تقدیرده، باش وئره بیلهجک سلاحلی هجوملار، ترور آکتلارینین تؤردیلمهسی کیمی خوشاگلمز حادثهلردن اؤزلری مسئولیت داشییاجاق.
