روسییا و غرب آراسین‌دا حربی و دیپلوماتیک موناسیبتلرین دالانا دیره‌نمه‌سین‌دن سونرا موسکوا اؤزونون آوراسییاداکی قونشولاری ایله تهلوکه‌سیزلیک ساحه‌سین‌ده امکداش‌لیغینی آرتیریب.

آخار. آز خبر وئریر کی، بو سؤزلر «کؤلگه سیا» کیمی تانینان «ایستراتفور» شیرکتینین حاظیرلادیغی یئنی مقاله‌ده یئر آلیب. روسییانین غربین هوجوملارین‌دان چکیندیینی بیل‌دیره‌ن شیرکت موسکوانین کئچمیش اس اس ار ای اؤلکه‌لرین‌ده اؤز تأثیرینی گئنیشله‌ن‌دیرمه‌یه باشلادیغینی قئید ائدیب:

«روسییا رئاکتیو آتش سیستئملرینی تاجیکیستان‌داکی بازاسین‌دا یئرلشدیردی. اوسته‌لیک، موسکوا ۲۰۱۷-جی ایلده تاجیکیستانا علاوه سلاح‌لی قوه گؤندرجیینی بیان ائتدی. بو، موسکوانین رئگیون‌دا اؤز مؤوجودلوغونو گئنیشله‌ن‌دیرمک اوچون یئنی ایمکانلار آختاراجاغینا ایشاره‌دیر. ۱۲ دئکابردا ایسه روسییا و بئلاروس تئرروریزمه قارشی بیرگه عملیاتلار کئچیریلمه‌سی باره‌ده راضیلاش‌دیلار. ائرمنیستان‌دا روسییا ایله بیرگه واحید اوردو بیرلشمه‌لرینین یارادیلماسینا باشلانیلیب. روسییا کئچمیش اس اس ار ای اراضیلرین‌ده اؤز تأثیرینی آوروپادا گرگینلشه‌ن سیاسی شرایط اولدوغو بیر دؤورده، همچینین آمئریکانین یئنی پرئزیدئنتینین سئچیلمه‌سی ایله یارانان غئیری-معین‌لیک‌دن ایستیفاده ائد‌رک گوجله‌ن‌دیرمه‌یه چالیشیر.

موسکوا ایله موقاویله ایمضالاماقلارینا باخمایاراق، روسییانین آوراسییاداکی موتتفیقلری اونا اؤز اراضیلرین‌ده سربست فعالیته ایزن وئرمه‌ییبلر. نه تاجیکیستان، نه ائرمنیستان روسییایا اؤز بازالارین‌داکی اوردو سایینی آرتیرماغا ایمکان یاراتدی. آذربایجانلا اؤزبکیستان ایسه داها چوخ اؤز طرفسیزلیکلرینی قورویاجاقلار. هر ایکی اؤلکه روسییا ایله حربی امکداش‌لیغی دیگر رئگیونال گوجلرله تهلوکه‌سیزلیک ساحه‌سین‌ده ایمضالایاجاقلاری یئنی موقاویله‌لرله بالانسلاشدیرماغا چالیشاجاق. موسکوانین بو اؤلکه‌لرله امکداش‌لیغینی گئنیشله‌ن‌دیرمه‌سی کرئملین گلن ایل ده رئگیون‌دا داها سرت تهلوکه‌سیزلیک ایستراتئگییاسی حیاتا کئچیرجیینه ایشاره‌دیر».