۱۷:۳۱

تورکییه‌نین ایزمیر شهرین‌ده پارتلاییش تؤردیلیب.

آخار. آز خبر وئریر کی، حادثه ایزمیر محکمه‌سینین قارشی‌سین‌داکی پلیس منطقه‌سینین یاخینلیغین‌دا باش وئریب. پارتلاییشین بومبا یوکلو اتومبیلله تؤردیلدیی احتیمال اولونور.

ایلکین معلوماتا گؤره، پارتلاییش نتیجه‌سین‌ده ۳ نفر یارالانیب.

پارتلاییشدان سونرا اراضی‌ده آتیشما باش وئریب. دوغان خبر آگنتلییینین موخبیری ۱ ترورچونون اؤلدورولدویو باره‌ده معلومات وئریب.

حادثه یئرینه چوخلو تعجیلی طببی یاردیم بریگادالاری گؤندریلیب.

۱۸:۰۰

تئررورو حیاتا کئچیره‌ن ۳ ترورچودان داها بیری محو ائدیلیب، ۳-جو ترورچونون آختاریشلاری داوام ائدیر. پلیس تهلوکه‌سیزلیک سببین‌دن عدلیه بیناسین‌دان هئچ کیمی بوراخمیر.

اگه (اژه) اونیوئرسیتئتینین طیبب فاکولته‌سی خسته خاناسینا ۶ یارالانین آپاریلدیغی بیلدیریلیر.

***

ایزمیر شهرین‌ده پارتلاییش تؤرتدیک‌دن سونرا تهلوکه‌سیزلیک قوه‌لری طرفیندن اؤلدوروله‌ن ۲ ترورچونون گؤرونتولری یاییلیب.

قئید ائدک کی، قانلی اولایی تؤره‌دن ۳ تئررورچودان بیری قاچیب. اؤلدوروله‌نلردن بیرینین اوستونده بومبا اولدوغو احتیمال ائدیلیر.