گورجوستان «گازپروم»لا ایمضالادیغی سون موقاویله‌یه گؤره معین قارشیلیق اؤد‌مه‌لی اولاجاق.

آخار .آذ خبر وئریر کی، بونو گورجوستان مطبوعاتینا آچیقلاماسین‌دا گورجو اقتصادچی گیا خوخاشویلی سؤیله‌ییب.

«بو وضعیت‌ده بیز قیمت، دیر حاقین‌دا یوخ، روسییانین بیزی نه ایله تهدید ائتمه‌سین‌دن و بیزیم نئجه اوزون ایللر موسکوانین ائتمه یی باجارمادیغی شئیه بیر آندا راضی سالینماغیمیزدان دانیشمالیییق. منجه، حکومت بونونلا باغلی آچیقلاما وئرمه‌لی و آرگومئنتلرینی سسله‌ن‌دیرمه‌لی‌دیر»، – دئیه او بیلدیریب.

قئید ائدک کی، تیفلیسله «گازپروم» آراسین‌دا یئنی گاز موقاویله‌سی ایمضالایاجاق. موقاویله‌یه اساساً، روسییا بون‌دان سونرا گورجوستان اراضی‌سینده کئچه‌رک ائرمنیستانا گئدن بورو کمرینه گؤره اؤده نیشی پوللا حیاتا کئچیره‌جک. اوسته‌لیک، تیفلیس روسییادان علاوه گاز آلماق ایمکانینا دا صاحب اولاجاق. موسکوا ایسه بو گازی ۲۱۵ دوللارا یوخ، ۱۸۵ دوللارا ساتاجاق. هله‌لیک گورجوستان حکومتی ترانزیت حاقینین نه قدر اولاجاغینی سؤیله میر و یالنیز بو قیمتین آوروپادا ان باهالی ترانزیت قیمتلریندن بیری اولدوغونو دئییر.

تیفلیس ۲۰۱۶-جی ایل ۳۱ دئکابرا قدر ائرمنیستانا روسییادان گئدن گازین عمومی حجمینین ۱۰%-نی ترانزیت قارشیلیغین‌دا الده ائدیردی.