۲۷ آوقوست تاریخین‌ده گونورتا راده‌لرین‌ده آذربایجان رسپوبلیکاسینین روسیا فدراسییاسین‌داکی سفیرلیینین قوناق ائوی قارشی‌سین‌دا نامعلوم شخصلر طرفیندن اؤلکه‌میز علیه‌ینه تخریبات کاراکترلی شکیللرین یئرلشدیریلمه‌سینی قطعیتله پیسلییریک.

Axar.az خبر وئریر کی، بو باره‌ده خاریجی ایشلر ناظرلیینین بیاناتین‌دا بیلدیریلیب.

"بو قبول ائدیلمز تخریباتین آذربایجان-روسیا مناسبتلرینین صنعی شکیل‌ده گرگینلشدیریلمه‌سینه خدمت ائتمکله یاناشی، سون دورلرده روسیانین بیر سیرا مئدیا رسورسلاریندا آذربایجانا قارشی آپاریلان چیرکین و قرضلی کامپانییانین ترکیب حصه‌سی اولدوغو استثنا ائدیلمیر.

آذربایجان طرفی روسیا فدراسییاسینین عایدیاتی قوروملارینی بو کیمی تخریبات‌چی عمللره لازیمی حقوقی قیمت وئرمه‌یه، حادثه‌نین هرطرف‌لی آراشدیریلماسینی تعمین ائتمه‌یه و بو جور حاللارین تکرارلانماسینین قارشی‌سینی آلماق اوچون ضروری تدبیرلر گؤرمه‌یه چاغیریر.

روسیا طرفینین ۱۹۶۱-جی ایل دیپلماتیک مناسبتلر حاقیندا ویانا کونونسیاسینا اویغون اولاراق آذربایجان رسپوبلیکاسینین سفیرلیینین و اونون امکداشلارینین تهلوکسیزلیینین لازمی سویه‌ده تعمین ائدیلمه‌سینه، هابئله دیپلوماتیک نمایندلیین نورمال فعالیتینه مانع اولا بیله‌جک هر هانسی تخریباتچی حرکتلرین قارشی‌سینین آلینماسینا دایر عهده‌لیکلرینی تام شکیلده یئرینه یئتیرمه‌سینی گؤزلییریک"، - بیانات‌دا قید اولونوب.