آذربایجان خاریجی ایشلر ناظیری ائلمار ممدیاروو ایران خاریجی ایشلر ناظیرینین موعاوینی ایبراهیم رحیمپورو قبول ائدیب.

خاریجی ایشلر ناظیری-این مطبوعات خیدمتیندن آخار .آذ-آ وئریله‌ن معلوماتا گؤره، گؤروشده آذربایجانلا ایران آراسین‌دا موناسیبتلرین حاضیرکی سوییه‌سی ممنونلوقلا قئید اولونوب، اؤلکه رهبرلرینین ایراده‌سینه اویغون اولاراق، امکداشلیغین بوندان سونرا دا اوغورلا اینکیشاف ائده جه یینه امین‌لیک ایفاده ائدیلیب.

ائ. ممدیاروو بیلدیریب کی، دؤولت باشچی لاری سوییه‌سین‌ده کئچیریله‌ن گؤروشلر، یوکسک سوییه‌لی قارشیلیق‌لی سفرلر، حؤکومتلراراسی بیرگه کومیسسییانین فعالیتی، اینسانلار آراسین‌داکی تماسلار آذربایجان و ایران آراسین‌دا امکداشلیغین هرطرفلی اینکیشافین‌دا موهوم رول اویناییر.

گؤروش‌ده ۲۵-۲۶ یانوار تاریخلرینده باکی‌دا کئچیریله‌ن خزر دنیزینین حقوقی ایستاتوسو حاقین‌دا کونوئن‌سییانین حاضیرلانماسی اوزره خزریانی دؤولتلرین خاریجی ایشلر ناظیرلرینین موعاوینلری سوییه‌سین‌ده خصوصی ایشچی قروپونون ۴۸-جی ایجلاسینین اهمیتی قئید اولونوب و آپاریلان موذاکیره‌لرین خزر دنیزینین حقوقی ایستاتوسو حاقین‌دا کونوئن‌سییانین حاضرلانماسی ایشینه اساس‌لی تؤهفه وئردیی بیلدیریلیب.

صحبت اسناسین‌دا ایکی اؤلکه‌نی بیرلش‌دیره‌ن نقلیات دهلیزلرینین، او جمله‌دن شیمال-جنوب دمیر یولو خطینین اینکیشاف ائتدیریلمه‌سی مسئله‌لری موذاکیره اولونوب.

اوچ طرفلی اساس‌دا آذربایجان-ایران-تورکییه فورماتین‌دا امکداشلیغین رئگیون‌دا سوله، ثابت‌لیک و چیچکله‌نمه‌نین تامین اولونماسینا خیدمت ائتدیی وورغولانیب.

ایرانین خاریجی ایشلر ناظرینین موعاوینی ایبراهیم رحیمپور ۲۰۱۷-جی ایلین آذربایجان‌دا «ایسلام همرای‌لیگی ایلی» اعلان ائدیلمه‌سی حاقین‌دا آذربایجان پرئزیدئنتینین سرانجامینی یوکسک قیمتلندیریب و بونون مودریک بیر قرار اولدوغونو بیلدیریب.

گؤروش‌ده قارشیلیق‌لی ماراق کسب ائد‌ن رئگیونال و گلوبال مسئله‌لره دایر فیکیر موبادیله‌سی آپاریلیب.