بؤلگه‌ده ماراغی اولان گوجلرین بئینلخالق حقوق نؤقتئیی-نظرین‌دن اهمیتینی ایتیرمیش بیر موقاویله‌نی تکرار گون‌ده‌مه گتیرمه‌لری و یا اونا ایستیناد ائتمه‌لری شوبهه‌سیز کی، یئرسیزدیر.

بو سؤزلری آخار. آذ-آ آنالیتیک ووقار زیفروغلو برزانینین اؤز چیخیشلارین‌دا تئز-تئز موستقیل کورد دؤولتینین یارادیلماسی اوچون غربین سئور موقاویله‌سینده اونلارا سؤز وئردیینی بیلدیرمه‌سینه موناسیبت بیلدیررکن دئییب.

آنالیتیک خاتیرلادیب کی، سئور آنلاشماسی بیرینجی دونیا محاربه‌سین‌دن سونرا موتتفیقلرله عثمانلی آراسیندا ۱۰ آوگوست ۱۹۲۰-جی ایلده باغلانیب:

"بو راضیلاشما تمامیله تورک دؤولتینین ماراقلارینا قارشی ایدی و قارشییا قویولان باشلیجا هدف عثمانلینی پارچالاماقلا یاناشی، گله‌جکده اونون اراضیلرینده مختلیف دؤولتلر یاراتماق ایدی. موقاویله‌نین ۶۲ و ۶۴-جو ماده‌لری اینگیلیس، ایتالییان و فرانسیز تمثیلچیلرین‌دن عبارت کمیسییانین فرات چایینین شرقینده کورد بؤلگسل ایداره‌چیلیگی قورماغی اؤزونده احتیوا ائدیردی. همین ماده‌لره اساساً، کوردلر ایسته‌سه‌لر، بیر ایل سونرا میللتلر جمعیتینه موستقیللیک اوچون مراجعت ائده بیلردیلر. «سئور»، آرتیق یوز ایله یاخین مدت ایدی کی، اونسوز دا داغیلماقدا اولان عثمانلی ایمپرییاسینین ویلسونون ۱۴ ماده‌سی اوزره میللی-دؤولتلره بؤلونمه‌سی پلانی ایدی. بونونلا متفیقلر اصلینده یاخین شرقین شکلینی اؤز ماراقلاری و هدفلرینه اویغون اولاراق دییشمیی قارشیلارینا مقصد قویوردولار".

آنالیتیک قید ائدیب کی، بو معنادا تورکییه‌ده باشلایان میللی قورتولوش نئجه «سور زهنیتینه» قارشی گلن و بونونلا دا اصلینده اوندان گوج آلان بیر مقاومت سیستمی ایدیسه، «سئور»ده میللی موجادیله زهنیتینه قارشی قویولان بیر سیستم ایدی:

"تصادفی دئییل کی، مقاویله ایمضالاندیغی دؤنمده داوام ائد‌ن قورتولوش ساواشینین نتیجه‌سینده تورکلر قالیب گلدیلر و بو آنلاشمانین یئرینه ۲۴ ایول ۱۹۲۳-جو ایلده لوزاننا موقاویله‌سی ایمضالاندی. بونونلا دا «سور» اؤز حقوقی کئچرلیینی ایتیرمیش اولدو».

قید ائدک کی، سنتیابر آیینین ۲۵-ده عراق کورد موختاریتینده موستقیللیکله باغلی رفرندوم کئچیریلیب. عراق کورد موختار ویلایتینین لیدری مسعود بارزانی تئز-تئز اؤز چیخیشلاریندا «موستقیل» کوردوستان دؤولتینین یارادیلماسی ایله باغلی ایدئیانین هله ۱۹۲۰-جی ایلده ایمضالانان «سئور» موقاویله‌سینده قید اولوندوغونو خاطیرلادیر.