آنا صحیفه سیاست |
تورکییه ایله آذربایجان اؤلکهلر آراسیندا بیرباشا قورو دهلیزینین حربی یوللا برپاسی ایله باغلی گیزلی آنلاشیبلار.
آخار. آذ خبر وئریر کی، بو سؤزلری تانینمیش ارمنی حربی اکسپرت داوید جمالیان «رئوو» وئریلیشینده چیخیشی زامانی دیله گتیریب.
اونون سؤزلرینه گؤره، آنکارا و باکینین ایستراتژی هدفی مئغرینی گئری قایتارماقدان عبارتدیر:
«رسمی باکی بو مؤقعیندن گئری چکیلمهیهجک. بیز ایسه حاضردا ایللوزییالار قورماقداییق. ارمنیستان طرفی هر جور سنارییه حاضر اولمالیدیر. قید ائتمک یئرینه دوشردی کی، بو گون آذربایجان روسییا ایله ده اوغورلو سیاست یورودور. کرئمله بو گون اؤز بؤیوک لاییحهلرینده آذربایجانین ایشتیراک ائتمهسی واجیبدیر. باکی ایسه اؤز نؤوبهسینده بونو آنلاییر و قاراباغ مسئلهسینده ماکسیموم ایرلیلهمهیه چالیشیر. بوتون بونلار داوام ائدرسه، بو، بیزیم اوچون قبول ائدیلمز بیر سناریدیر. کرئملدهکی ایستراتژی طرفداشلاریمیز بیزیم ده «قیرمیزی خطیمیز» اولدوغونو آچیق شکیلده بیلملیدیرلر».
آپرل محاربهسی مؤوضوعسونا توخونان اکسپرت قید ائدیب کی، او زامان ارمنی طرفی بیر نئچه ایستراتژی مؤوقعینی ایتیریب.
«حاضردا ارمنیستان بو مؤقعلرین گئری قایتاریلماسی بارهده دوشونور"، - ارمنی حربی اکسپرت وورغولاییب.
قید ائدک کی، ارمنیلرین قفقازدا اؤزلرینه دؤولت قورمالاری اوچون آذربایجانین ایروان خانلیغینین اراضیسی و ایروان شهری ارمنیلره ۲۹ مای ۱۹۱۸-جی ایلده آذربایجان پارلامنتینین قراری ایله وئریلیب. مغری، قافان، گوروس، درهلهیز و گؤیچه اراضیسی ۱۹۲۰-جی ایلده، آذربایجانین روسییا طرفیندن ایشغالیندان سونرا ارمنیستانا بیرلشدیریلیب. همچینین، ۱۹۲۳-جو ایلده داغلیق قاراباغ مختار ویلایتی یارادیلیب و آذربایجان تورپاقلاری حسابینا دؤولت قوران ارمنیلره آذربایجان اراضیسینده علاوه مختاریت ده وئریلیب.
تاریخ
2019.12.10 / 09:58
|
مولف
Axar.az
|