یوخاری

"ایرانلا ویزا رژیمی آرادان قالدیریلمالیدیر"

آنا صحیفه سیاست
12 Punto 14 Punto 16 Punto 18 Punto

قانون لاییحه‌سی مذاکیره اولونان‌دا بیز اونو دا مذاکیره ائتمیشیک کی، شخصیت وثیقه‌لری ایله تورکییه‌یه گئدیش-گلیش اولسون. قونشو اؤلکه‌لر آرتیق پاسپورت‌سوز گئدیش-گلیش تطبیق ائدیر.

آخار. آذ خبر وئریر کی، بو فیکیرلری میللی مجلیسین پلئنار ایجلاسین‌دا بوتؤو آذربایجان خالق جبهه‌سی پارتییاسینین (باخجپ) صدری، پارلامئنتین حقوق سیاستی و دؤولت قوروجولوغو کمیته‌سینین صدر معاوینی قدرت حسنقولیئو «آذربایجان رسپوبلیکاسی حکومتی ایله تورکییه رسپوبلیکاسی حکومتی آراسین‌دا قارشی‌لیق‌لی اولاراق ویزادان آزاد ائتمه حاقین‌دا» سازیشین تصدیق ائدیلمه‌سی باره‌ده قانون لاییحه‌سینین مذاکیره‌سی زامانی دئییب.

حسنقولیئو خاتیرلادیب کی، گرجوستان و اوکراینا وطنداشلاری شخصیت وثیقه‌لرینی تقدیم ائتمکله تورکییه‌یه گئدیب-گله بیلیرلر:

«بیز ایسه قارداش اؤلکییک، حساب ائدیره‌م کی، بیزده ده پاسپورت مسئله‌سی آرادان قالدیریلمالیدیر. ایکینجی‌سی، بو سازیش لاییحه‌سین‌دن بل‌لی اولمور کی، وطنداشلار هر دفعه تورکییه اراضی‌سینه داخیل اولان‌دا ۹۰ گون قالا بیلر، یوخسا ایل عرضین‌ده. بیز بیلیریک کی، باشقا اؤلکه‌لره گیریش‌ده چوخگیریش‌لی ویزالار وئریلیر. اما طلب قویولور کی، ۵ ایل عرضین‌ده سن، توتاق کی، ۱۸۰ گون مدتین‌ده هان‌سی‌سا اؤلکه‌ده قالا بیلرسه‌ن. بونونلا باغلی سازیش لاییحه‌سین‌ده هئچ بیر مدعا یوخ‌دور. ایستردیم، بو مسئله‌یه ده آیدین‌لیق گتیریلسین.

داها سونرا، ایران‌دا بیزیم ۳۰ میلیون‌دان چوخ سویداشیمیز یاشاییر. همچینین، ایران بیزیم قونشوموزدور. بیز دفعه‌لرله بورادا مسئله قالدیرمیشیق، بونون بیر ایضاحی وئریل‌سین کی، نیه ایرانلا ویزا رژیمینی آرادان قالدیرمیریق؟ یعنی شیمالی آذربایجان جنوبی آذربایجان‌لیلارین وطنینین بیر پارچاسی‌دیر. اونلارلا معنوی یاخینلیغیمیز، بیرلییمیز اوچون ویزا رژیمی آرادان قالدیریلمالی‌دیر. ایران‌دان گلیب بورادا اوخویان، بیزیم سویداشیمیز اولان طلبه‌لر بعضی حاللاردا ۲ دفعه‌دن آرتیق تحصیل حاقی وئریرلر. نیه؟ مثلاً، دونیانین تحصیل‌دن میلیاردلارلا وسایت قازانان بیر چوخ اؤلکه‌سین‌ده یئرلی طلبه‌لر نه قدر تحصیل حاقی اؤدییرسه، خاریجی طلبه‌لر ده او قدر تحصیل حاقی وئریر. اونلار گلیب اونسوز دا کیرایه‌ده قالیرلار، بورادا پول خرجلییرلر. یعنی بو مسئله‌لری من پارلامنت‌ده اونا گؤره قالدیریرام کی، بیزیم موافیق دؤولت، حاکمیت اورگانلاری بونون اوزرینده جدی شکیل‌ده دوشونسونلر».

تاریخ
2020.05.31 / 21:36
مولف
Axar.az
دیگر خبرلر

آوروپا بیرلییی اسرائیله قارشی سانکسییالار پلانینی مذاکره‌یه چیخاریر

روسییا پزشکیانین آذربایجانا سفریندن ناراضی‌دیر- مئدیا

پرزیدنت ونزوئلالی همکارینی تبریک ائدیب

هر بیر مسئله‌ده آذربایجانین یانینداییق - اردوغان

روسیا باش پروکورورلوغون‌دان آذربایجان آچیقلاماسی

انگلیس سفیردن یکاترینبورگ حادثه‌لرینه رئاکسییا

نووه سلاحی ایرانی حساس دوروما سالا بیلر - عراقچی

آذربایجان و آلمانیا آراسین‌دا مصلحتلشمه‌لر آپاریلدی

رسمی باکی‌دان روسیایا: بونو گؤزلییریک!

مسکوانین باکییا «دمارشی»: بونا حاضیرلاشمالییق

خبر خطّی
Axar.az'da reklam Bağla
Reklam
Bize yazin Bağla