آذربایجان و تورکییه ایله اقتصادی علاقه‌لریمیز اینکیشاف ائدیر.

آخار. آذ خبر وئریر کی، بو سؤزلری ایرانین خاریجی ایشلر ناظری محمد جواد ظریف پارلامنت‌ده اؤلکه‌سینین خاریجی سیاستی باره‌ده حسابات وئررکه‌ن دئییب.

ناظر بیلدیریب کی، قونشو و دوست دؤولتلر اولان ایران و آذربایجان بیر سیرا بین الخالق اهمیت‌لی اقتصادی لاییحه‌لری بیرگه حیاتا کئچیریر. او، بو لاییحه‌لر سیراسین‌دا شیمال-جنوب بین الخالق نقلیات دهلیزینی خصوصیله قئید ائدیب.

قید ائدک کی، بو نقلیات دهلیزینین فورمالاشماسی ایستیقامتین‌ده ایران ایله آذربایجان آراسین‌دا دمیر یولو خطی سالینیب. ایران آستاراسی ایله آذربایجان آستاراسینی بیرلشدیره‌ن دمیر یولو ایله بو گون ایران ایدخال-ایخراج عملیاتلارینی حیاتا کئچیریر. آستارا (ایران)-آستارا (آذربایجان) دمیر یولو قزوین-رشت-آستارا (ایران)-آستارا (آذربایجان) دمیر یولو خطینین داوامی‌دیر. جنوب شرقی آسییا اؤلکه‌لرین‌دن ایرانین چابهار و بندر عباس لیمانلارینا داخیل اولان یوکلر محض بو یوللا آذربایجان‌دان ترانزیت کئچه‌رک روسییا و آوروپایا داشیناجاق. هله‌لیک یولون قزوین-رشت حیصه‌سی ایستیثمارا وئریلیب، رشت-آستارا حیصه‌سین‌ده ایسه ایشلر داوام ائدیر. آذربایجان طرفی شیمال-جنوب بین الخالق نقلیات دهلیزینی اهمیت‌لی حساب ائد‌رک آذربایجانین آستارا شهری ایله ایرانین آستارا شهری آراسین‌دا دمیر یولو خطینی چکیب.

ظریف دونیا سیاستین‌ده ایکی‌لی ایستاندارتلاری تنقید ائد‌رک نظره چاتدیریب کی، بعضی گلوبال پروبلئملره بین الخالق تشکیلاتلار ایکی‌لی ایستاندارتلاردان یاناشیرلار کی، بو دا همین پروبلملرین حلینه منفی تأثیر گؤستریر. او قید ائدیب کی، ایران افغانیستان، پاکیستان، ائل‌جه ده روسییا و دیگر ام د ب دؤولتلری ایله قارشی‌لیق‌لی فایدالی امکداش‌لیق علاقه‌لرینی داوام ائتدیریر.