بیز ارمنیستانلا مسئله‌نی حل ائتمیشیک. امینم کی، اوچونجو محاربه اولمایاجاق. اما تهدیدلر آرادان قالخماییب، محاربه‌دن سونرا یئنی تهدیدلرله اوزلشمیشیک.

Axar.az خبر وئریر کی، بو فیکیرلری پرزیدنت ایلهام علیئو یئرلی تلویزییا کاناللارینا مصاحیبه‌سین‌ده سؤیله‌ییب.

دؤولتیمیزین باشچی‌سی دئییب:

«بو تهدیدلره سینه گلمک آسان مسئله دئییل - هم ایراده اولمالیدیر، هم ده کی، اؤزونده امین‌لیک اولمالیدیر. بیز هئچ واخت آوانتورایا گئتممیشیک و گئتمیجییک. اگر بو تخریباتلارا قارشی بیز، نئجه دئیرلر، چوخ سارسیدیجی شاپالاق وورموشوقسا، دئمه‌لی بو، ساده‌جه اولاراق، تبلیغات دئییل، اؤزوموزده گوج حس ائدیریک. هر کس بونو بیلمه‌لیدیر کی، بیزیمله هئچ کیم زارافات ائتمه‌سین. بیز بونو محاربه‌دن درحال سونرا باشلامیشیق. چونکی بیلیردیک کی، دونیانین گلجیینی بو، معین ائد‌جک».

پرزیدنت قید ائدیب کی، روسییا-اوکراینا محاربه‌سیندن سونرا هر کس بونو ائدیر. اوردو قوروجولوغونا عمومیتله فیکیر وئرمه‌یه‌ن آوروپانین ان بؤیوک اؤلکه‌لری ایندی اوردولارینی یارادیرلار.

«ایندی واحید آوروپا اوردوسو حاقین‌دا دانیشماغا باشلاییبلار. ایندی حربی تعینات‌لی محصوللاری بوراخماغا باشلاییبلار، یاخود دا کی، گئنیشلندیریرلر. بیز بونا نه واخت‌دان باشلامیشیق؟ آرتیق ۱۵ ایلدیر. اونو دا بیلدیرمه‌لییم کی، بیز اساس تورکییه و ایسرایل شیرکتلری ایله، دیگر اؤلکه‌لرین شیرکتلری ایله یئنی کونتراکتلار باغلامیشیق، عینی زاماندا، یئرلی ایستحصالی گئنیشلندیرمک اوچون بیر نئچه آپاریجی شیرکتله ایندی دانیشیقلارین سون مرحله‌سیندییک»، - دئیه پرزیدنت ایلهام علیئو بیلدیریب.