تورکون یولو تورک دولتلری تشکیلاتیندان، اورتا دهلیزدن، زنگزوردان و قاراباغدان کئچیر.

Axar.az خبر وئریر کی، بونو تورکیه‌نین خارجی ایشلر ناظری مؤولود چاوش‌اوغلو دئییب.

چاوش‌اوغلو جمهوریت خالق پارتیاسینین صدری کمال کیلیچداراوغلویا خطابا تورکیه‌نین آذربایجاندان یان کئچه بیلمیجیینی دئییب.

«آذربایجاندان نه ایستییرسینیز؟ آذربایجان قاراباغی گئری آلاندا هر جور دستیی وئردیک. سیز «تأسف کی، تورکیه آذربایجانی دستکله‌دی" - دئدینیز.

آذربایجان نیه حرب میدانینا ائندی؟ اؤز تورپاقلارینی گئری آلماق اوچون. آذربایجان ارمنیستانین تورپاقلارینا هجوم ائتمه‌ییب کی؟»، - تورکیه‌نین خارجی سیاست اداره‌سینین رهبری کمال کیلیجداراوغلویا خطابا دئییب.

چاووش‌اوغلو قید ائدیب کی، بو گون تورک دنیاسی گوجلودور:

«اؤز میللی مدافعه سیستملریمیز وار. دشمنه محتاج دئییلیک. آذربایجاندان نه ایستییرسینیز؟ بو گون تورکیه بؤیوک تورک دنیاسینی بیرلشدیریر. بو گون تورکیه تورک دولتلری تشکیلاتینین آرزوسونو، یعنی تورک دنیاسینین بیرلشمک آرزوسونو حیاتا کئچیره‌ن بیر اؤلکه‌دیر».