بیر نئچه ایستیقامت‌ده داوام ائد‌ن آذربایجان-ارمنیستان دانیشیقلارین‌دا بعضی پوزیتیو ایلکین راضیلاشمالار وار، اساس دا زنگزوردان کئچه‌جک کوممونیکاسییا خطلرینین آچیلماسی ایله باغلی مسئله حلینی تاپماق اوزره‌دیر.

Axar.az خبر وئریر کی، بو سؤزلری اقتصادچی اکسپرت ناطیق جعفرلی قید ائدیب.

اونون سؤزلرینه گؤره، بو یولون آچیلماسیندا اساس مانعه روسییا ایله ارمنیستان آراسیندا اولان پروبلملردیر:

«کرمل ایسرار ائدیردی کی، لاچین یولونا دا، زنگزور یولونا دا آنجاق و آنجاق مسکوا نظارت ائتمه‌لیدیر. آذربایجانین بوتون مقاومتلره باخمایاراق، لاچین یولونا سرحد-کئچید منطقه‌سی اینشا ائدیب نتیجه‌یه نایل اولماسی بو مسئله‌نین چؤزولمه‌سینده مهم رول اوینادی.

ارمنیستانین پوبلیک های-کویونه باخمایین، لاچین‌دا باکینین دئدیینی ائتمه‌سی، اؤز سرحدیمیزین اؤزوموز طرفیندن قورونوب نظارته گؤتورولمه‌سی ارمنیستان اوچون چوخ صرفه‌لی اولدو، بیزیم محض بو آددیمیمیزدان سونرا ارمنیستان روسییادان زنگزور یولونا نظارتی قوپارا بیلدی - سون مسکوا گؤروشونده کرئمل زنگزور یولونون گیریش و چیخیشیندا ارمنیستان رسمی اورگانلارینین یئرلشمه‌سی ایسراری ایله راضیلاشمالی، باریشمالی اولدو.

رسمی باکینین لاچین یولوندا قطعی آددیم آتماسی زنگزور یولو دویونونون آچیلماسیندا بیرباشا و حل ائدیجی رول اوینادی. اصلینده بیزه ده زنگزور یولونا ارمنیستانین نظارت ائتمه‌سی داها صرفه‌لیدیر – کرملین تکباشینا نظارتی آذربایجانا نؤبتی تضییق واسطه‌سینه چئوریله بیلردی. نظارتین ارمنیستان‌دا اولماسی ایسه ایشی آسانلاشدیریر، قارشیلیقلی آسیلیلیق یارادیر – یعنی، ایروان ناخچیوانا گئدن یوکلره، وطنداشلارا، قطار و آوتومبیللره پروبلم چیخارسا، اؤزلری ده لاچین یولوندا عینی پروبلملرله و یا آذربایجان اوزریندن ارمنیستانا گئده‌جک یوک و سرنیشینلر عینی یاناشما ایله اوزلشه‌جک. قارشیلیقلی آسیلیلیق بئله مسئله‌لرده ثابتلیک گؤستریجی‌سینه چئوریلیر».