آوگوستون ۳-ده آذربایجانین خارجی ایشلر ناظری جیحون بایراموو باکیدا سفرده اولان آمریکا دولت دپارتامنتینین قافقاز دانیشیقلاری اوزره باش مشاوری لوی بونونو قبول ائدیب.

Axar.az خبر وئریر کی، بو باره‌ده آذربایجان خارجی ایشلر ناظیرلییندن بیلدیریلیب.

گؤروش زمانی، آذربایجان-ارمنیستان آراسیندا صلح پروسسی، بؤلگه‌ده جاری وضعیت، آذربایجانلا ارمنیستان آراسیندا دانیشیقلارین جاری وضعیتی و پرسپکتیولری مذاکره اولونوب.

جیحون بایراموو، ارمنیستانین اؤز عهده‌لیکلرینه ضد اولاراق، آذربایجان اراضیلریندن ارمنی سلاح‌لی قوه‌لرینی تام اولاراق چیخارماماسینین، آذربایجانین اراضی بوتؤولویو و سوورنلیینه قارشی ادعالاری داوام ائتدیرمه‌سینین، کمونیکاسییالارین آچیلماسینا مانع‌چیلیک تؤرتمه‌سینین بؤلگه‌ده صلح و ثابت‌لیه خدمت ائتمدیینی دقته چاتدیریب.

بونونلا یاناشی، گویا آذربایجانین ارمنی ساکنلری بلوکادادا ساخلادیغی، لاچین سرحد بوراخیلیش منطقه‌سینین «غیر-لگیتیم» اولدوغو باره‌ده ادعالارین اساسسیز اولدوغو وورغولاناراق، ارمنیستانین لاچین یولوندا و سرحد بوراخیلیش منطقه‌سینه قارشی تخریباتلاری نظره آلیناراق، آذربایجانین ارمنی ساکنلره یاردیم اوچون آغدام-خانکندی یولوندان استفاده تکلیفینین قوه‌ده قالدیغی بیر داها خاتیرلانیب. همچینین، آذربایجان طرفینین ارمنی ساکنلرین رینتگراسیاسی سعیلرینه ارمنیستانین مداخله‌سینین قبول‌ائدیلمز اولدوغو بیلدیریلیب.

طرفلر، همچینین قارشی‌لیقلی ماراق دوغوران دیگر مسئله‌لر اطرافیندا فکر مبادله‌سی آپاریبلار.