اینترنتده ارمنی منبع‌لرینه استنادن سرگی لاوروون (روسیا خارحی ایشلر ناظیرلیی رهبری – رد.) «قاراباغین آذربایجانا اینتگراسییاسی» ایله باغلی تکلیفلرینی عکس ائتدیرن هانسی‌سا پلانی گئنیش تیراژلانیر.

Axar.az خبر وئریر کی، بو سؤزلری سابق خارجی ایشلر ناظری، پولیتولوق توفیق ذوالفقاروو قید ائدیب.

او بیلدیریب کی، بو «پلانین» بیزیم اجتماعی شعوروموزا آشاغیداکی تئزیسلری داخیل ائتمک جهدی اولدوغوندان امیندیر:

- «قاراباغ و اونون نماینده‌لری»نین دانیشیقلاردا طرف اولماسی؛

- اگر دانیشیقلاردا طرف‌دیرسه، دئمه‌لی، مناقشه طرفیدیر؛

- اگر دانیشیقلار آپاریلیرسا، دئمه‌لی، بو، داوام ائد‌ن کونفلیکتین حل ائدیلمه‌سی جهدیدیر؛

- اگر روسییا دانیشیقلارین مؤوضوسونو تکلیف ائدیرسه، دئمه‌لی، بو، اونون واسطه‌چی اولماسی دئمکدیر؛

- روسییانین واسطه‌چی اولماسی – بین‌الخالق فورماتدیر، بو ایسه او دئمکدیر کی، بوتون ممکون راضیلاشمالار بین‌الخالق سند و ضمانت سویه‌سی آلاجاق، باشقا سؤزله، بین‌الخالق استاتوس.

ذوالفقاروو وورغولاییب کی، گویا اوستونلوک کیمی قید ائدیله‌نلرین بیزه هئچ بیر پراکتیک خیری یوخدور:

«چونکی ایلک دانیشیقلارداجا «قارشی طرف» «بیز دانیشیقلارین طرفدارییق، آنجاق پرینسیپ یالنیز بو اولمالیدیر – خالقلارین اؤز مقدراتینی تعیین ائتمه‌سی» دئیه‌جک... و یئنه مینسک گروپو، اما دانیشیق طرفی کیمی ارمنیستان دئییل، «داغلیق قاراباغ»...

اونا گؤره ده اگر دوغرودان دا بئله تکلیفلر وارسا، اونو «روس گمیسی»نین دالینجا گؤندرمک لازمدیر».

قید ائدک کی، ارمنی مدیاسی سرگی لاوروون «قاراباغ ارمنیلرینین اینتگراسیاسی ایله باغلی ۱۴ ماده‌لیک پلان» تکلیف ائتدیی حاقدا معلومات یاییب.