سنتیابرین ۲۵-ده ایغدیر-ناخچیوان گاز کمرینین تملینین قویولماسی مراسمی کئچیریلیب.

Axar.az خبر وئریر کی، آذربایجان رسپوبلیکاسینین پرزیدنتی ایلهام علیئو و اؤلکه‌میزده رسمی سفرده اولان تورکیه رسپوبلیکاسینین پرزیدنتی رجب طیب اردوغان مراسمده اشتراک ائدیبلر.

دولت باشچیلاری ایغدیر-ناخچیوان گاز کمرینین تملینی قویوبلار.

قید ائدک کی، ایغدیر-ناخچیوان گاز کمری ناخچیوانین گاز تجهیزاتینین شاخه‌لندیریلمه‌سینه امکان وئرمکله اونون بیر منبع‌دن آسیلی‌لیغینی آرادان قالدیرمیش اولاجاق. ۲۰۲۰-جی ایل دکابرین ۱۵-ده آنکارادا آذربایجان و تورکیه آراسیندا ایغدیر-ناخچیوان گاز بورو کمرینین تیکینتی‌سینه دایر آنلاشما مموراندومو امضالانیب. آذربایجان پرزیدنتی ایلهام علیئوین ۲۰۲۲-جی ایل ۱۰ فورال تاریخلی سرانجامینا اساساً ایسه ایغدیر-ناخچیوان گاز بورو کمرینین تیکینتی‌سی اوچون دولت بودجه‌سیندن وسائط آیریلیب. لایحه بو ایل ایونون ۵-ده قبول ائدیلن «ناخچیوان مختار رسپوبلیکاسینین سوسیال-اقتصادی انکشافینا دائر ۲۰۲۳-۲۰۲۷-جی ایللر اوچون دولت پروگرامی»نین پریوریتت لایحه‌لری سیراسیندا یئر آلیب.

بورو کمرینین ایغدیردان سدرک رایونونا قدر اوزونلوغو ۹۷،۵ کیلومتر تشکیل ائدیر. کمرین آذربایجان حصه‌سینین اوزونلوغو ۱۷،۵ کیلومتر، تورکیه حصه‌سینین اوزونلوغو ایسه ۸۰ کیلومتردیر. بورو کمری گونده ۲ میلیون کوبمتر، ایلده ایسه ۷۳۰ میلیون کوبمتر گاز اؤتورمک قابیلیتینه مالکدیر کی، بونونلا دا ناخچیوانین گازا طلباتی تمامیله اؤد‌نیله‌جک.

گله‌جکده بورو کمرینین اؤتوروجولوک قابیلیتینی ایکی دفعه‌دن چوخ آرتیرماق ممکوندور.