روسیانین ۴۴ گونلوک محاربه ایله ارمنیستان حاکمیتینی معین حرکتلره گؤره جزالاندیردیغینا دایر تئزیس چوخ فعال شکلده یاییلیر. من روسیانی بو کونتکستده مذاکره اوبیکتینه چئویرمک ایستمزدیم، اما گلین بو تئزیسی جدی مذاکره ائدک.
Axar.az خبر وئریر کی، بو سؤزلری ارمنیستانین باش ناظری نیکول پاشینیان بو گون جانلی ائفیرده ارمنیستان وطنداشلارینین و دیاسپور ارمنیلرینین سواللارینی جوابلاندیرارکن دئییب.
«بو تئزیسین معناسی اودور کی، بیزیم طرفداشلاریمیز اوچون آرزواولونماز انقلاب اولدو، چونکی ارمنیستانین یئنی حاکمیتی غربیؤنلو باخیشلارین داشیییجیلاریدیر، بونا گؤره ده جزا کیمی محاربه باش وئردی.
بئله اولان حالدا ۲۰۱۶-جی ایلین دؤردگونلوک محاربهسینده کیم و نیه گؤره جزالاندیریلیب؟
نیه ۲۰۱۳-جو ایل حادثهلری باش وئردی، ارمنیستان اوزون مدت دانیشیقلار آپاردی، سونرا بیر گئجهده گمرک اتفاقینا عضو اولدو؟ روسیا هانسی آددیملارا گؤره ۲۰۱۱-جی ایلده آذربایجانا سلاح ساتیشی ایله باغلی چوخ میلیارد دلارلیق مقاوله امضالاییب؟ ۲۰۱۳-۲۰۱۴-جو ایللرده باش وئرن حادثهلره مناسبت نئجه اولدو؟ قاراباغ پروبلمی ایله باغلی دئییلهسی چوخ شی وار. ۲۰۱۸-جی ایلین آپرلینده سرژ سرکیسیانین بیاناتی نه ایدی؟ بو، محاربه اعلانی ایدی؟» - پاشینیان قید ائدیب.
اونون سؤزلرینه گؤره، انقلاب باش وئریب، اونا گؤره ده ارمنیستانین هله ده سووئرن دولت اولماق شانسی وار:
«اگر انقلاب اولماسایدی، بو شانس صفره برابر اولاردی. ۲۰۱۳-جو ایلده باش وئرن حادثهلر بونا ثبوتدور. اگر امضالایا بیلمیرسنسه، نیه دانیشیقلار آپاردین؟ بوندان سونرا ۲۰۱۶-جی ایلین دؤرد گونلوک محاربه و دانیشیقلار پاکتینی آلدیق. داغلیق قاراباغین داغیلماسی ۲۰۱۸-جی ایلین آوگوستوندا باش وئریب».