قاسیم سلیمانی ۳ یانوار ۲۰۲۰-جی ایلده آمریکا طرفیندن بغداددا اؤلدورولدو. آرخاسینجا ایسه چوخ ماراقلی حادثه‌لر سیلسیله‌سی یاشاندی.

بو سؤزلری Axar.az-آ یاخین شرقده باش وئره‌ن پروسئسلر حاقیندا دانیشان تورکییه‌نین تئررور و تهلوکه‌سیزلیک اوزره ائکسپئرتی عبدالله آغار دئییب.

ائکسپئرت ایران، ایسرائیل و آمریکانین داواملی شکیلده سیموولیک تاریخلر اوزریندن بیر-بیرینه مئساژ گؤندردیینی قئید ائدیب:

«ایران قاسیم سلیمانینین اینتیقامینی آلماق، سیاسی شیعه‌لیگی یایماق و لیوانین شرقینده‌کی فاتیما سرحد-کئچید منطقه‌سی اوزریندن آرالیق دنیزینه چیخماق اوچون اؤز پروکسیلری واسطه‌سیله جد-جهدلر ائدیر. قززاداکی محاربه‌دن اؤنجه، ۲۰۲۱-جی ایلده حماس قاسیم سلیمانینین دوغوم گونونده ایسرایله قارشی «قدس قیلینجی» حرکاتینا باشلادی. حماس-ین ایسرائیله سون هجومو ایسه ۷ اوکتیابردا، یعنی پوتینین آد گونونده باش وئردی. آبمریکاین «اوسس دوایت آیزنهاوئر» طییاره‌داشییان گمی‌سینین باشچیلیق ائتدیی ضربه قروپو یاخین شرقه دونانمانین قورولماسینین ۲۴۸-جی ایلی و گنئرال دوایت آیزئهاوئرین دوغوم گونو عرفه‌سینده گلدی. یعنی بورادا سیمووللار اوزریندن ده بیر مبارزه وار. ایسرائیل و آمریکا حماس-ین هجوملارا داوام گتیرمه‌سینین آرخاسیندا ایرانین اولدوغونو بیلیر. قززادا اولدن وکالتلر محاربه‌سی اؤزونو گؤستردی. آنجاق ایسرائیل ایلک دفعه آمریکانین بو قدر بؤیوک میقیاسلی دسته‌یینی الده ائتدی. اوللر نووه پوتنسیالینین آزالدیلماسی مسئله‌سی ایله باشلایان پروسئس داها فرقلی حال آلدی. ان سون سلیمانینین دوستو گنئرال رضا موسوی اؤلدورولدو. موسوی کیچیک فیقور دئییلدی، او، ایران دؤولتینین «زینبیون»، «فاطیمیون»، حیزبللاه و شیعه میلیسلری اوزرینده‌کی قیلینجی ایدی. سونرا ایران اوچ ایسرائیللینی اؤلدوردویونو آچیقلادی، اما بو تصدیقله‌نمه‌دی. آرخاسینجا حوثیلر اورتایا چیخدی و قیرمیزی دنیزده آمریکا ایله داها گوجلو شکیلده توققوشما اولدو. واشینگتون ایسه هجومون دفع ائدیلدیینی، اوغورسوز اولدوغونو آچیقلادی.

ایکی گون اول ایسرائیلین بیروتا هاوا هجومو زامانی حماس-ین ایوردان چایینین غرب ساحلین‌ده‌کی نماینده‌سی صالح العاروری اؤلدورولدو، دونن ده کیرمان‌دا قاسیم سلیمانینین آنیم مراسیمینده تئررور آکتی تؤردیلدی».

عبدالله آغار وورغولاییب کی، آمریکانین رسمی مؤوقعیی بیزی یانیلتمامالی‌دیر:

«آمریکا ایسرائیله اونون اوچون حساس اولان نقطه‌لره دقت یئتیرمک شرطیله ایسته‌دیینی ائتمه‌یه ایمکان وئریر، حتی اونا زامان قازاندیریر. آمریکا و ایسرائیلین هانسی پلان اوزرینده رازضلاشدیغینی بیلمیریک. اما واشینگتون بو محاربه‌نین گوناهکاری کیمی گؤرونمک ایسته‌میر. دیگر طرفدن محاربه‌نین گئنیشله‌نمه و آمریکانین هئگئمونلوغونا تهدید ائتمه ریسکی وار. فیکریمجه، آمریکا بوتون دونیادا گلوبال گوج کیمی پروبلئمه موداخیله یولو ایله اونو حل ائتدیی منظره‌سی فورمالاشدیرا بیله‌جیی آندا پروسئسه داخیل اولاجاق».