اسرائیل قیرغینینین دؤردونجو آیندا بلینکن «آیلدی». اصلینده او، حماس-لا محاربه‌نین بو قدر اوزاناجاغینی دوشونموردو. او، اؤز سفر تورونا تورکیه ایله باشلادی. تورکیه مطبوعاتینی دقتله اوخوسانیز، گؤررسینیز کی، بلینکن تونونو کؤکوندن دییشیب. او، سونونجو دفعه نویابر آیندا بورادا اولارکن دئمیشدی: «آمریکا غزه‌ده‌کی آتشکسه قارشیدیر و حساب ائدیر کی، حماس-ی مغلوب ائتمه‌دن بو، یالنیز پروبلمی داوام ائتدیرجک».

Axar.az خبر وئریر کی، بونو روسیالی پولیتولوق ماکسیم شئوچنکو بلینکنین تورکیه سفرینین سببینی شرح ائدرکن دئییب.

«ایندی او، یالنیز صلح‌دن دانیشیر. اگر اوللر تورکیه دانیشیقلار پروسسیندن کنارلاشدیریلیردیسا، بو دفعه آنکارا یاخین شرق توروندا ایلک اؤلکه اولدو. اردوغانین هماس ایله سیخ علاقه‌لری وار، بو دا اونون وضعیته تأثیر ائتمک اوچون یاخشی امکانلارا مالک اولماسی دئمکدیر. اما تورکلر بیرمعنالی جواب وئریرلر: «غزه و حماس بیردیر و مقاومت حرکاتی غزه‌نی اداره ائد‌جک». آمریکا سایسیز-حسابسیز معاصر سلاح و مالیه دستیینه باخمایاراق، یاخین شرقده‌کی قودوز ایتینین بو قدر ضعیف اولدوغونو تصور ائده بیلمزدی. اوچ آیدیر کی، حماس ایله دؤیوشده هئچ بیر نائلیت یوخدور! آنجاق بؤیوک پرسونال ایتکیلری، آوادانلیق ایتکیلری، اقتصادی چؤکوش، نتانیاهونون دئوریلمه‌سی ایله باغلی اعتراضلار... بیر طرفدن ده لیوان حزب‌اللاهی دؤیوشه حاضردیر. ایندیکی شرایطده آمریکا اوکراینا، فلسطین و لیوان، قسما ده ایران و سوریانین عهده‌سیندن گله بیلمه‌یجک. بلینکن، عمومیتله، صلحه چاغیریر»، - او بیلدیریب.