ارمنیستان خارجی ایشلر ناظیرلیی آذربایجانلا صلح سازشینین ایلکین متنینی رادیکال مخالفتین نماینده‌لری ایله تانیش ائدیب. بو، باش ناظر نیکول پاشینیانین تعلیماتی اساسیندا حیاتا کئچیریلیب. پاشینیانین مقصدی آیدیندیر. او، اولجه‌دن صلح سازشینین متنینی رقیبلریله تانیش ائدیب کی، سند امضالاناندان سونرا «بوندان خبریمیز یوخ ایدی»، «سند مخفی حاضیرلانیب» کیمی اتهاملارین اساسی اولماسین.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

اونون فکرینجه، رادیکال مخالفت صلح سازشینین متنی ایله تانیش اولدوقدان سونرا پاشینیاندان طلب ائد‌جک کی، او ارمنیستانین مغلوبیتی کیمی قیمتلندیردیکلری سازشه امضا آتماسین:

«پاشینیان رادیکال مخالفته آنلاتماغا چالیشاجاق کی، صلح سازشینین امضالانماسی یوبانارسا بو، بؤلگه‌ده یئنی محاربه ریسکینی آرتیراجاق و ارمنیستان اوچون یئنی فلاکتلر گتیرجک.

بوتون حاللاردا صلح سازشینین امضالانماسی اوچون جدی مانعه قالماییب. هر ایکی اؤلکه بیر-بیرینین اراضی بوتؤولویونو تانیماغا حاضردیر، صلح سازشینین اساسینی بو بند تشکیل ائد‌جک. ارمنیستانین رادیکال مخالفتی ضعیفدیر، اجتماعی رای‌ده دستیی آزدیر. اونا گؤره نیکول پاشینیان رادیکال مخالفته بویلانمادان صلح سازشینی امضالایا بیلر. بو، هم ده ایکینجی قاراباغ محاربه‌سیندن درس آلان ارمنیستان جمعیتینین اکثر حصه‌سینین سفاریشیدیر. بو آرادا، نیکول پاشینیان خارجی ایشلر ناظیرلیینده قورومون ۲۰۲۳-جو ایلده فعالیتی حاقیندا حساباتین مذاکره‌سی زمانی «خارجی سیاستین عالی مقصدی ارمنیستانین سووئرنلیینی، مستقللیینی و اراضی بوتؤولویونو تامین ائتمکدیر» جمله‌سی ده باش ناظرین صلح سازشینی امضالاماغا حاضیرلاشماسیندان خبر وئریر».