آذربایجان پرزیدنتی ایلهام علیئو ده ایل عرضینده بیر نئچه دفعه موجود وضعیت و آکتوال مسئله‌لر باره‌ده توپلام شکلده اجتماعیتی معلوماتلاندیرماغی لازم بیلیر. ایلهام علیئو بو یوللا هم ده دوست و دشمنلره، او جمله‌دن ارمنیستانا مساژلارینی گؤندرمیش اولور.

Axar.az خبر وئریر کی، بو سؤزلری «آتلاس» آراشدیرمالار مرکزینین پرزیدنتی ایلهام علیئوین ۱۰ یانوار ۲۰۲۴-جو ایلده یئرلی تلویزییالارا گئنیش مصاحبه‌سی حاقدا آنالیزینده عکسینی تاپیب.

تحلیلده بیلدیریلیب کی، پرزیدنتین گئنیش مصاحبه‌سیندن اساساً بو نتیجه‌لری چیخارماق ممکوندور:

۱. فرانسا آنتی‌آذربایجان موقعییندن گئری چکیلمیینجه رسمی باکی دا بین‌الخالق عالم‌ده فرانسانین کولونیال سیاستینه قارشی مبارزه‌سینی داوام ائتدیرجک. آذربایجانین قوشولمایانلار حرکاتیندا صدرلیی باشا چاتماق اوزره اولسا دا، رسمی باکی حرکات چرچیوه‌سینده فرانسانین کولونیال سیاستینه قارشی فورمالاشدیردیغی «باکی تشبوسو» چرچیوه‌سینده فعالیتینی داوام ائتدیرجک. بونونلا ایلهام علیئو فرانسالی همکاری امانوئل ماکرونا مساژ گؤندردی کی، سیز بیزه پروبلم یاراتماقدا داوام ائدجیینیز حالدا، بیز ده سیزه بین‌الخالق عالم‌ده پروبلم یاراتماقدا داوام ائدجییک؛

۲. ایلهام علیئو نیکول پاشینیانین تبلیغات مقصدیله ایر‌لی سوردویو «صلح قووشاغی» ایدئیاسینی قبول ائتمیر. پاشینیان «صلح قووشاغی» تشبوسو آلتیندا بؤلگه اؤلکه‌لری آراسیندا کمونیکاسییا خطلرینین هر بیر اؤلکه‌نین سووئرنلیی چرچیوه‌سینده آچیلماسینین طرفداریدیر. رسمی باکی پاشینیانین تکلیفینه او حالدا راضیلاشماغا حاضردیر کی، ارمنیستان آذربایجان وطنداشلارینا زنگزور دهلیزی ایله راحت گئدیش-گلیش امکانی یاراتسین. بو اولمادان آذربایجان ارمنیستانلا سرحدین هئچ بیر منطقه‌سینی آچمایاجاق؛

۳. ایلهام علیئو آذربایجانین تاریخی غلبه‌سیندن سونرا یئنی هدفلر باره‌ده دوشونولمه‌سینین طرفداریدیر. پرزیدنتین «تاریخی ظفری استثمار ائتمک اولماز» تئزیسینی «تنبللشمک اولماز» کیمی اوخوماق لازمدیر. پرزیدنتین بو تئزیسیندن چیخیش ائد‌رک آذربایجان دیپلماتیاسینین و دیاسپورونون فعاللاشماسینا احتیاج وار. چونکی ارمنیستان و بو اؤلکه‌نین هوادارلاری آذربایجانا قارشی اینفورماسییا ساواشینی گئنیشلندیریبلر؛

۴. ایلهام علیئو ۲۰۲۴-جو ایلده ارمنیستانلا صلح سازشینین امضالانماسی اوچون شرایطین یاراندیغی قناعتینده اولسا دا، ارمنیستانین سلاحلانماغا چالیشماسینین بو پروسسی انگلله‌یه بیلجیینه دقتی چکیب. پرزیدنت بیر داها او فکری خاطیرلادیب کی، اگر ارمنیستان آذربایجانا تهلوکه یارادان سلاح و یا راکتلر الده ائدرسه، آذربایجان بونا قارشی قاباقلاییجی آددیملار آتاجاق. ایلهام علیئوین بو خبردارلیغی ارمنیستانی خارجی اؤلکه‌لردن هجوم کاراکترلی سلاح و حربی تکنیکا آلماقدان چکیندیرمه‌لیدیر. عکس حالدا محاربه قاچیلماز اولاجاق. حالبوکی، آذربایجان یئنی محاربه‌ده ماراقلی دئییل؛

۵. ایلهام علیئو ایکی اؤلکه آراسیندا سرحدلرین معیینلشمه‌سینین صلح سازشینین امضالانماسینا مانع اولمایاجاغی قناعتینده‌دیر. حقیقتا سرحدلرین معیینلشمه‌سی ایله باغلی دانیشیقلار اوزون ایللر داوام ائده بیلر و بو صلح سازشینین خارجینده قالاجاق. آذربایجانین سرحدده‌کی استراتژی یوکسکلیکلردن گئری چکیلمیجیی بیر داها وورغولاندی. صلح سازشینین امضالانماسی اوچون تأمیناتچی دولتلره ده احتیاج یوخدور. آذربایجان آنکلاو کندلری گئری قایتارماق سیاستیندن امتنا ائتمه‌یجک. آذربایجانا بیتیشیک کندلر تحویل وئریلمه‌لی، ارمنیستانین ایچینده قالان کندلرله باغلی وضعیت ایسه ایکی طرفین فورمالاشدیردیغدیغی کومیسییاسینین مذاکره پردمتی اولمالیدیر.

۶. آذربایجان جنوبی قافقازدا بؤیوک دولتلر آراسیندا گئوسیاسی رقابتین علیه‌اینه‌دیر. چونکی بو رقابت بؤلگه اوچون علاوه پروبلملر یارادیر. بو معنادا صلح سازشینین هارادا امضالانماسی مباحثه پردمتی اولمامالیدیر. اؤنملی اولان هئچ بیر دولتین آذربایجانلا ارمنیستان آراسیندا صلح سازشینین امضالانماسینا و سونراکی دانیشیقلار پروسسینه مانع اولماماسیدیر.