پرزیدنت ایلهام علیئوین دوننکی گئنیش مصاحببه‌سی ارمنیستاندا دا جدی مذاکره ائدیلیر، آذربایجان دولت باشچی‌سینین مساژلارینین ماهیتینی آنلاماغا چالیشیرلار. ارمنیستانین رادیکال مخالفتی ایله هر شی آیدیندیر، آذربایجانلا صلحو مغلوبیتین رسمیلشدیریلمه‌سی کیمی قیمتلندیریر، طاقتدن دوشن ارمنی جمعیتینی هدفلری اؤزلری اوچون ده تهلوکه‌لی اولان «مبارزه‌یه» سسلییرلر.

Axar.az خبر وئریر کی، بو باره‌ده پولیتولوق ائلخان شاهین‌اوغلو یازیب.

او بیلدیریب کی، رادیکاللاردان فرقلی اولاراق، ارمنیستانین حاکم پارتیاسینین عضولری، او جمله‌دن ملت وکیللری ایلهام علیئوین واسطه‌چیلر اولمادان بیرباشا دانیشیقلارین داوامی تکلیفینه مثبت یاناشیبلار:

«حالبوکی ارمنیستانین حاکم پارتیاسینین عضولری و ائله باش ناظر نیکول پاشینیانین اؤزو تأمیناتچی دولتلرین واجبلییندن دانیشیردیلار. اونلار عینی زماندا واسطه‌چیلرله باغلی گرکسیز اینادکارلیغین گئجیکمه‌یه سبب اولاجاغینی دا آنلاماغا باشلاییبلار. دئمه‌لی، پاشینیان و اونون کمانداسی صلح سازشینین امضالانماسی نامینه ایلهام علیئوین «تأمینات‌چیلارا احتیاج یوخدور» تئزی‌سینی قبول ائده بیلر. ایلهام علیئوین ریتوریکاسیندان آنلاییبلار کی، صلح سازشینین امضالانماسینی گئجیکدیرمک اولماز، ارمنیستانا آذربایجان و تورکیه ایله مناسبتلرین نرماللاشدیریلماسی لازمدیر».