آمریکاین کئچمیش پرزیدنتی دونالد ترامپ بیر مدت اؤنجه، قاسم سلیمانی اؤلدورولدویو زامان ایران طرفینین اونا زنگ ائتدیینی و گؤرونتو اوچون بیر نئچه راکت آتاجاغینی دئدیینی بیلدیردی. فیکریمجه، گئجه ساعتلاریندا اربیلده‌کی آمریکا کونسوللوغونا و دیگر منطقه‌لره هجومون آرخاسیندا دا «دانیشیقلی دؤیوش» وار.

بو سؤزلری Axar.az-آ گئجه ساعتلاریندا عراقین شمالیندا یئرلشن اربیل شهرینده آمریکا کونسوللوغونا و بازالارینا ائدیلن راکت هجومونون سببلری حاقیندا دانیشان تورکییه‌نین ایستعفادا اولان کشفیات پولکوونیکی جوشقون باشبوغ دئییب.

«یقین کی، واشینگتن بوندان بهانه کیمی ایستیفاده ائد‌رک بؤلگه‌ده‌کی حربی وارلیغینی علاوه حربچی و تکنیکا، سلاح-سورسات گؤندرمکله داها دا آرتیراجاق. یعنی آمریکایا بیر بهانه لازیم ایدی، بونو دا ایران اونا وئردی. قارشی‌لیقلی اویون اویناییرلار. اگر قارشی‌داکی بیر نئچه گون عرضینده آمریکا اوراداکی حربی وارلیغینی گوجلندیرمک اوچون سادالادیغیمیز آددیملاری آتسا، بو، اونون تورکییه‌نین کئچیرجیی آنتی‌ترور عملیاتلارینا انگل اولماق اوچون ایران اوزریندن اؤزونه بهانه یاراتدیغی معناسینا گله‌جک. اول ده عینی تئاتر اویونونو اوینامیشدیلار. یئنه آمریکا بو دانیشیقلی دؤیوشله هم دونیا اجتیماعیتینی، هم ده خالقینی بئله یانیلداجاق»، - پولکوونیک بیلدیریب.

قید ائدک کی، گئجه ساعتلاریندا سپاه عراقین شمالین‌دا یئرلشن اربیل شهرینه و سورییادا بیر نئچه یئره بالستیک راکتلرله ضربه ائندیردیکلری حاقیندا بیانات یاییب. بیاناتدا عراقین شمالین‌داکی کردستان مختاریتینده موساد-ین جاسوس مرکزینین هدف آلیندیغی ادعا ائدیلیب. هجوم نتیجه‌سینده آزی ۴ نفر اؤلوب، ۶ نفر ایسه یارالانیب.