آذربایجان و ارمنیستان گورجوستان اوچون تکجه طرفداش دئییل، هم ده قارداش اؤلکه‌لردیر.

Axar.az خبر وئریر کی، بو سؤزلری گورجوستانین باش ناظیری ایراکلی قاریباشویلی داووس اقتصادی فورومو چرچیوه‌سینده کئچیریلن پانل مذاکره‌لرینده دئییب.

"گورجوستانین قونشو اؤلکه‌لرله، ارمنیستان و آذربایجانلا چوخ سیخ علاقه‌لری و طرفداشلیق مناسبتلری وار، اونلار بیزیم قارداش و دوستلاریمیزدیر"، - قاریباشویلی بیلدیریب.

او قید ائدیب کی، آذربایجان و ارمنیستان لیدرلرینین موقعیی ایکی‌طرفلی سویه‌ده مناسبتلرین اولماسیدیر:

«بیز باشا دوشوروک کی، بو بؤلگه‌ده چوخلو اویونچو وار. علاوه ائتمه‌لییم کی، آذربایجان و ارمنیستان لیدرلرینین موقعیینی بیلیرم، اونلار بیر-بیری ایله ایکی‌طرفلی مستویده مناسبتلر قورماق ایستییرلر. شخصاً من حساب ائدیرم کی، بو، دوزگون یولدور، چونکی بو قدر واسطه‌چینین، بو قدر ماراقلی طرفین اشتراکی ایله پروسس بعضا داها کنفلیکتلی و عکس-محصولدار کاراکتر آلیر. اونا گؤره ده اونلارا اوغورلار آرزولاییرام.

حقیقتا امید ائدیرم کی، اونلار تئزلیکله حل یولونو تاپاجاقلار و صلح سازشی امضالایاجاقلار».