فرانسانین آذربایجانلا مدنی کؤرپولری یاندیرماسی ان سون آددیمدیر.

Axar.az خبر وئریر کی، بو باره‌ده فرانسانین «لی موند» قزئتینه مصاحبه‌سینده ۱۹-جو عصر آذربایجان شاعره‌سی خرشیدبانو ناتوانین ۲۰۱۷-جی ایلده فرانسیز ائویانیندا قویولموش عابده‌سینه قارشی اؤتن ایل دکابرین ۳۰-دا تؤردیلن واندالیزم آکتینی پیسله‌ین آذربایجان پرزیدنتینین خصوصی تاپشیریقلار اوزره نماینده‌سی ائلچین امیربئیوو بیلدیریب.

فرانسانین آذربایجانا مناسبتده تعجب و درین تأسف حسی دوغوران فهم‌سیز داورانیشینی خاطیرلادان پرزیدنتین نماینده‌سی قید ائدیب کی، «خارجی اؤلکه‌لرله مناسبتلریمیزین تاریخینده ایلک دفعه هر هانسی بیر اؤلکه ایکی‌طرفلی مناسبتلریمیزه اساسلانمایان و ارمنی دیاسپورونون تضییقی آلتیندا بو قدر چوخلو سایدا غرضلی قطعنامه‌لر قبول ائدیر».

پاریس ایله باکی آراسیندا مناسبتلرده داوام ائد‌ن دیپلماتیک بحرانا حصر اولونموش یازیدا بو ایل یانوارین ۱۸-ده میللی مجلیسین فرانسا سناتینین بیر گون اول قبول ائتدیی نوبتی آنتی-آذربایجان قطعنامه‌سینه رئاکسییاسی قسمینده آذربایجان حکومتینه فرانسا ایله بوتون اقتصادی علاقه‌لری کسمک باره‌ده چاغیریشی دا خاطیرلادیلیر.