آذربایجان پرزیدنتینین کمک‌چی‌سی - پرزیدنت آدمینیستراسییاسینین خاریجی سیاست مسئله‌لری شعبه‌سینین مدیری حیکمت حاجییئو باکی‌دا گناه‌سیز دینج اهالینین قتلعامینا گؤستریش وئره‌ن کچمیش اس.اس.ار.ای لیدئری میخایل قورباچووون بیر نئچه آی سونرا ۱۹۹۰-جی ایلده نوبل صولح مکافاتینا لاییق گؤرولمه‌سینه دقت چکیب.

Axar.az خبر وئریر کی، او، بو باره‌ده ایکس حسابین‌دا پایلاشیم ائدیب.

«قیرمیزی قرنفیللر قارا ۲۰ یانوارین، آذربایجان خالقینین مقاومتینین و مستقیل‌لیک آرزوسونون سیموولو اولدو. غریبه‌دیر کی، باکی‌دا گناه‌سیز دینج اهالینین قتلعامینا گؤستریش وئره‌ن کئچمیش اس.اس.ار.ای لیدری میخایل گورباچوو بیر نئچه آی سونرا ۱۹۹۰-جی ایلده نوبل صولح مکافاتینا لاییق گؤرولوب»،- حاجییو قید ائدیب.

خاطیرلاداق کی، بو گون آذربایجان تاریخینه قانلی یانوار فاجعه‌سی کیمی داخیل اولموش ۱۹۹۰-جی ایل ۲۰ یانوار حادثه‌لرینین نوبتی ایلدؤنومودور. ۱۹۹۰-جی ایل یانوارین ۱۹-دان ۲۰-نه کئچه‌ن گئجه بیرباشا سووئت اتفاقی کمونیست پارتییاسی مرکزی کمیته‌سینین باش کاتیبی میخایل گورباچووون امری ایله اس.اس.ار.ای مدافعه ناظرلییی، دولت تهلوکه‌سیزلیک کمیته‌سی و داخیلی ایشلر ناظیرلیینین قوشون حیصه‌لری باکییا و آذربایجانین بیر نئچه رایونونا یئریدیلیب، دینج اهالی آغیر تکنیکادان و مختلیف تیپلی سلاحلاردان آتشه توتولاراق کوتلوی قتله یئتیریلیب.

فوق‌العاده وضعیتین تطبیقی اهالییه اعلان اولونانادک حربی قوللوقچولار ۸۲ نفری آمانسیزجاسینا قتله یئتیریب، ۲۰ نفری اؤلومجول یارالاییب. فوق‌العاده وضعیت اعلان ائدیلدیکدن سونرا ایسه بیر نئچه گون عرضینده باکی شهرینده ۲۱ نفر اؤلدورولوب. فوق‌العاده وضعیتین اعلان اولونمادیغی رایون و شهرلرده - یانوارین ۲۵-ده نفتچالادا و یانوارین ۲۶-دا لنکراندا داها ۸ نفر قتله یئتیریلیب. بئله‌لیکله، قوشونلارین قانون‌سوز یئریدیلمه‌سی نتیجه‌سینده باکی‌دا و اطراف رایونلارین‌دا ۱۴۷ نفر اؤلدورولوب، ۷۴۴ نفر یارالانیب.