ایندی فاکتیکی اولاراق ارمنیستانلا آذربایجان آراسیندا بیرباشا تماسلار آز-چوخ آکتیودیر.

Axar.az خبر وئریر کی، بو سؤزلری ارمنیستانین باش ناظری نیکول پاشینیان «ملکی مقاویله» پارتییاسینین ایداره هئیتینین اجلاسیندا دانیشیقلار پروسسینین تفرعاتینی تقدیم ائد‌رک بیلدیریب.

«اساساً، ایش اوچون ایش کاناللاری وار - خصوصاً ده منیم اوفیسیمله آذربایجان پرزیدنتینین آپاراتی آراسیندا. بو کاناللار واسطه‌سیله بیز بیرگه بیانات قبول ائتدیک و نتیجه‌ده اسیر دوشن ۳۲ قارداشیمیز گئری قاییتدی.

طبیعی کی، فعالیتین موضوع‌سو صولح مقاویله‌سینین متنی اوزرینده ایشدیر. بیزه گؤندریرلر، بیز ایشلییریک، اونلارا گؤندریریک. ایندی اصلینده ایش او یئره چاتیب کی، بیز آذربایجاندان، آذربایجان دا بیزدن قارشیلیقلی اولاراق علاوه تأمینات ایستییریک کی، بیزیم بیر-بیریمیزدن گیزلدیلمیش اراضی طلبلریمیز و آمبیسییالاریمیز یوخدور، چونکی دیپلماتیک متنلرین اؤزلرینده همیشه فرقلی ایستینادلار، کنتکستلر و قیدلر وار.

و بیز تکلیفلرین سطرلری آراسیندا آذربایجانین اراضی طلبلرینین بو گون اولماسا دا، گله‌جکده معین تهلوکه‌لرینی گؤروروک. دوشونوره‌م کی، بیز بو وضعیته داوام ائد‌ن بیر ایش کیمی باخمالیییق و بو سواللارا جواب وئریلنه قدر ایشه داوام ائتملیییک»، - پاشینیان قید ائدیب.