آوروپا شوراسی پارلامنت آسامبلیاسینین بو گون ایشه باشلایان قیش سسییاسینین ایلک اجلاسیندا انگلیس ملت وکیلی آذربایجان نماینده هیئتینین اعتمادنامه‌سینین تصدیقلنممه‌سینی تکلیف ائد‌ن همکارلارینین قرارینی پیسلییب.

Axar.az خبر وئریر کی، بؤیوک بریتانیانین آوروپا شوراسی پارلامنت آسامبلیاسیندا نماینده هیئتینین عضوو ایان لیدل-گرانگر قورومدا چیخیشی زمانی همکارلارینی بو موضوع-دا احتیاط‌لی اولماغا چاغیریب.

"بو، سهو بیر قراردیر. هئچ بیر مثبت وضعیته آپارمایاجاق. بئله قرارلار وئرمک اوچون چوخ احتیاط‌لی اولمالییق"، - او، بیلدیریب.

قید ائدک کی، بو گون کئچیریلن اجلاسلاردا آذربایجان نماینده هیئتی اشتراک ائدیب، لاکن اونلارین سسوئرمه حقوقو محدودلاشدیریلیب. بو تکلیف آلمانیالی ملت وکیلی فرانک شوابنین اولوب.

آذربایجان نماینده هیئتینین اعتمادنامه‌سینین تصدیقلنممه‌سی ایله باغلی قرار قبول ائدیلمه‌سی اوچون مونیتورینگ کمیته‌سینه گؤندریلیب. مونیتورینگ کمیته‌سی ۲۴ ساعت عرضینده قرار وئرمه‌لیدیر.