ارمنیستان-آذربایجان سرحدینده هله ده اسکالاسیا احتمالی وار.

Axar.az خبر وئریر کی، بونو ارمنیستانین خارجی ایشلر ناظیری آرارات میرزویان دئییب.

«بو ایل مختلف اؤلکه‌لرده کئچیریلجک سئچکیلرین نتیجه‌سینده بو اسکالاسییا احتمالی داها دا آرتاجاق»، - میرزویان بیلدیریب.

بونونلا یاناشی، خارجی ایشلر ناظیرلیی باشچی‌سی باکی و ایروان آراسیندا مختلف سویه‌لرده تماسلارین اولدوغونو قید ائدیب:

«طرفلر پرزیدنت و باش ناظیر آدمینیستراسیالاری ایله یاناشی، خارجی ایشلر ناظیرلیکلری و دیگر دولت قوروملاری سویه‌سینده ده علاقه ساخلاییرلار. صلح سازشی ایله باغلی سندلرین مبادله‌سینی خارجی ایشلر ناظیرلیی حیاتا کئچیریر.

دانیشیقلارین واسطه‌چی ایله، یاخود واسطه‌چی‌سیز کئچیریلمه‌سی ارمنیستان اوچون پرینسیپیال مسئله دئییل. بیزه باکیدان سرحدده گؤروش تکلیفی گلمییب، اما بئله بیر تشببوس حاقیندا ائشیتمیشم».

قید ائدک کی، رسمی باکینین صلح پروسسینی آپاردیغی واختدا ایرواندان بئله آچیقلامانین وئریلمه‌سی ارمنیستان طرفینین صلح‌دن یایینماق جهدلری کیمی قبول ائدیله بیلر.