ایروان دهلیزین بیر حصه‌سی ایله باغلی نه ۹/۱۰ نویابر سندینده، نه ده دیگرلرینده عهده‌لیک گؤتوروب.

Axar.az خبر وئریر کی، بونو ارمنیستانین خارجی ایشلر ناظیرلیی رهبری آرارات میرزویان دئییب.

او بیلدیریب کی، ایروان رگیوندا تکجه ناخچیوان-آذربایجان مارشروتو اوزره دئییل، ارمنیستانین استفاده ائتمک نیتینده اولدوغو بوتون مارشروتلار اوزره کمونیکاسییالارین آچیلماسینا حاضردیر و ماراقلیدیر.

ارمنی ناظیر کمونیکاسییالارین آچیلماسینا دائر برابرلیک و سووئرنلیک پرینسیپلرینه اساسلانان سازشین موجود اولدوغونو وورغولاییب:

«علیئوین سؤزلریندن گؤرونور کی، آذربایجاندا بو پرینسیپلره قارشی دئییللر، اما ناخچیواندان گلن مارشروت مسئله‌سینده یوخ. علیئوین سسلندیردیی هر اوچ طلب ارمنیستانین سووئرنلیینین «پوزولماسیدیر». داها آسان اداره‌ائتمه اوچون حل یولو تاپماق لازمدیر، لاکن گمرکسوز کئچید ایدئیاسینین اؤزو قبول‌ائدیلمزدیر، هم وطنداشلار، هم ده یوکلر اوچون».

میرزویان خاطیرلادیب کی، ۹/۱۰ نویابر سندینده اوچونجو دولتلرین اشتراکی نظرده توتولماییب، عکسینه، مارشروتدا تهلوکه‌سیزلیین ارمنیستان طرفیندن تامین ائدیلدیی بیرباشا قید اولونوب:

«ارمنیستانین لیدری ماللارین و وطنداشلارین تهلوکه‌سیزلیینی تامین ائتمه‌یه حاضر و قادیردیر».​