ارمنیستان خارجی ایشلر ناظیری آرارات میرزویانین بوگونکو مطبوعات کنفرانسیندا سؤیلدیکلریندن بیر نئچه نتیجه‌یه گلمک اولار.

Axar.az خبر وئریر کی، بو باره‌ده پولیتولوق ائلخان شاهین‌اوغلو قید ائدیب.

او بیلدیریب کی، میرزویان مطبوعات کنفرانسی اساس ۳ استقامتی تقدیم ائتدی:

۱. ایروان آذربایجانلا صلح سازشی امضالاماق اوچون قارشیلی‌لیقلی اولاراق اراضی بوتؤولویونون تانینماسییلا یاناشی، سرحدلرین دقیقلشمه‌سینی ده ایستییر. گؤرونور، ایروان هله ده امید ائدیر کی، صلح سازشی چرچیوه‌سینده آذربایجان اردوسو سرحدده‌کی یوکسکلیکلردن گئری چکیلجک. بونون باش وئرمیجیینی پرزیدنت ایلهام علیئو بیر نئچه دفعه بیلدیریب؛

۲. ارمنیستان زنگزور دهلیزینین روسیانین نظارتینده اولماسینی ایستمیر. بو باخیمدان میرزویان روسیالی همکاری سئرگی لاوروون «دهلیز روسیالی حربچیلرین نظارتینده اولمالیدیر» یاناشماسینی قبول ائتمیر. آرارات میرزویان دهلیزین یالنیز ارمنیستان قوه‌لرینین نظارتی آلتیندا اولماسینی ایستییر کی، بونا دا رسمی باکی راضیلاشمایاجاق؛

۳. ارمنیستانین امیدله باشلادیغی تورکیه ایله دیالوگ حاضردا دوندورولموش حالدادیر. بونون سببی اودور کی، آنکارا باکی ایله استراتژی متفقلییه صادق قالاراق آذربایجانلا ارمنیستان آراسیندا صلح سازشینین امضالانماسیندان سونرا ارمنیستانلا سرحدین آچیلماسینی ممکون ساییر.

اونا گؤره ده ایروان تورکیه ایله سرحدین آچیلماسینی و ایکی‌طرفلی تجارتین باشلاماسینی ایستییرسه، اولجه آذربایجانلا صلح سازشی امضالامالیدیر.