تورکیه جمهورباشقانی رجب طیب اردوغان آنکارادا ایرانلی همکاری ابراهیم رئیسی ایله مختلف موضوع‌لارلا یاناشی، جنوبی قافقازداکی وضعیتی ده مذاکره ائدیب. بو حاقدا دتاللی معلومات وئریلمه‌سه ده، پرزیدنتلرین جنوبی قفقازلا باغلی نلری مذاکره ائتدیکلرینی تخمین ائتمک اولار.

Axar.az خبر وئریر کی، بو سؤزلری پولیتولوگ الخان شاهین‌اوغلو تورکیه و ایران پرزیدنتلری رجب طیب اردوغان و ابراهیم ریسینین آنکارادا گؤروشو حاقدا قید ائدیب.

او بیلدیریب کی، تهران اوزاق اؤلکه‌لرین جنوبی قفقازدا فعال اولماسینی، او جمله‌دن آمریکا و یا آوروپا دولتلرینین آذربایجانلا ارمنیستان آراسیندا واسطه‌چیلیک تشببوسلرینه نگاتیو یاناشیر:

«بو مسئله‌ده آنکارانین یاناشماسی فرقلی دئییل. آنکارا دا تهران کیمی رگیونال مسئله‌لرین بؤلگه اؤلکه‌لرینین واسطه‌چی‌لیی ایله حلینین طرفداریدیر. آنجاق بو مسئله‌ده تهران ایکیلی اویناییر. تهران بیر طرفدن آمریکا و آوروپانین جنوبی قفقازدا فعال دیپلماتییاسینا قارشی چیخارکن، او بیری طرفدن بونونلا باغلی ایروانا خبردارلیق مساژلارینی سسلندیرمیر. چونکی آمریکا و آوروپا بیرلیینی مختلف فورمالاردا بؤلگه‌یه گتیرمه‌یه چالیشان ارمنیستاندیر. تهران ایسه ارمنیستانی مدافعه ائد‌رک، هر دفعه‌سینده آذربایجان علیه‌اینه «سرحدلرین دییشدیریلمه‌سی قبول‌ائدیلمزدیر» آچیقلاماسینی سسلندیریر. بو ایسه تورکیه‌نین ماراقلارینا ضددیر. تورکیه آذربایجان کیمی زنگزور دهلیزینین آچیلماسینی ایستییر. تهران ایسه بونو انگللییر. بؤیوک احتماللا اردوغان زنگزور دهلیزینین ایرانین ماراقلارینا ضد اولمادیغینی رئیسییه بیر داها آنلاتماغا چالیشیب».

قید ائدک کی، ابراهیم رئیسی تورکیه‌ده سفرده‌دیر.