ارمنیستانین اسیر، گیروو گؤتورولموش و ایتکین دوشموش شخصلرین مسئله‌لری اوزره اداره‌لرآراسی کمیسییاسی آذربایجان طرفینه امکداشلیغی گوجلندیرمک چاغیریشی ائدیب.

Axar.az خبر وئریر کی، بو باره‌ده کمیسییانین بیاناتیندا بیلدیریلیب.

«ارمنیستان دفعه‌لرله، او جمله‌دن یوکسک سوییه‌ده ایتکین دوشموش شخصلرین تالعینین آیدینلاشدیریلماسی اوچون آذربایجانلا امکداشلیغا حاضر اولدوغونو بیان ائدیب»، - بیاناتدا وورغولانیب.

کمیسییا قید ائدیب کی، ۹۰-جی ایللرین اوللریندن ۹۹۳ ارمنی - ارمنیستان وطنداشی و قاراباغ ارمنی‌سی ایتکین دوشموش حساب ائدیلیب و ایروان اونلارین تالعینه آیدینلیق گتیرمکده ماراقلیدیر.

خاطیرلادیلیب کی، ۹۰-جی ایللرده هلاک اولموش ۱۴۰ آذربایجانلینین جنازه‌سی باکییا تحویل وئریلیب.

«ارمنیستان ۲۰۲۰-جی ایلین نیابریندان باشلایاراق ۴۴ گونلوک محاربه‌ده هلاک اولان ۵۱ آذربایجانلینین، او جمله‌دن ۹۰-جی ایللرده هلاک اولموش ۵۰-یه یاخین اینسانین جسدینین ممکن دفن اولوندوغو یئرلری گؤسترن توپوگرافیک ماتریاللاری آذربایجانا وئریب»، - بیاناتدا ادعا ائدیلیب.

قید ائدک کی، ۹۰-جی ایللرده ایتکین دوشن ۴ مینه یاخین آذربایجانلینین تالعینه آیدینلیق گتیریلمه‌سی اوچون آذربایجان دفعه‌لرله ارمنیستانا چاغیریش ائدیب.