آذربایجانین اراضی بوتؤولویونون تامینی و قاراباغ اوزرینده سووئرنلیینین برپاسی بیر قیسیم اؤلکه‌نین سیاسی دایره‌سینده آچیق-آشکار ناراضیلیق یارادیب، بیزه قارشی مختلف تضییق آلتلری ایشه دوشوب. آنجاق زمان کئچدیکجه بو تضییقلر آزالاجاق و مختلف مرکزلر قاراباغ موضوع-سونو اونوداجاق، بیزه قارشی «ارمنیلر گئری قایتاریلمالیدیرلار» کیمی معناسینی ایتیرن طلب ایر‌لی سورمه‌یجکلر.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او، بونا مثال اولاراق ایکینجی قاراباغ محاربه‌سینده کانادا حکومتینین تورکیه‌یه قارشی سلاح ائمبارقوسو(تحریم) تطبیق ائتمه‌سینی خاطیرلادیب:

«مقصد تورکیه‌ده استحصال اولونان پیلوتسوز اوچوش آپاراتلارینی کانادا استحصالی اولان کمپوننتلردن محروم ائتمک ایدی. دوشونوردولر کی، گویا تورکیه بو وضعیتده آذربایجانا پیلوتسوز اوچوش آپاراتلاری گؤندره بیلمه‌یجک. ایتیرن کانادا اولدو. چونکی «بایراقدار» شرکتی پیلوتسوز اوچوش آپاراتلاری اوچون همین کمپوننتلری اؤزو استحصال ائتدی.

بودور، کانادا حکومتی ایکینجی قاراباغ محاربه‌سیندن ۳ ایل ۲ آی سونرا تورکیه‌یه مدافعه صنایع‌سی ساحه‌سینده قویدوغو ائمبارقونو رسمی اولاراق لغو ائدیب. البته، بونون سببلریندن بیری تورکیه بؤیوک میللت مجلیسینین ایسوئچین ناتو-یا عضولویونه دایر پروتوکولو راتیفیکاسیا ائتمه‌سیدیر. کانادا شرکتلری حکومتینین منتقسیز ائمبارقو قرارینا گؤره ۲۵۰-۳۰۰ میلیون دلار آراسیندا زیانا دوشوبلر. ائمبارقونون لغوینین دیگر سببی ایسه اودور کی، قاراباغ موضوع-سو آرتیق کانادا اوچون آکتوال دئییل و بو اؤلکه ارمنی سپاراتیزمینه گؤره تورکیه ایله مناسبتلری گرگین ساخلاماق ایستمیر. بیر مدت سونرا کانادا آذربایجانا قارشی سیاستینی ده کورکته ائد‌جک.

عمومیتله، زمان کئچدیکجه بیر سیرا اؤلکه‌نین و مرکزین ارمنی سپاراتیزمینه گؤره آنتی‌آذربایجان موقعییندن چیخیش ائتمه‌یه بهانه‌سی قالمایاجاق».