سون ۲۰۰ ایلین محاربه‌لری طبیعی رسورلار، اساساً ده انرژی داشییجیلاری اوغروندا اولوب. نفت-گاز، متاللار، طبیعی ثروتلر اوغروندا وحشی محاربه‌لرین شاهدی اولموشوق. میللی دولتلر یاراناندان سونرا پارالل اولاراق دا ترانسمیللی کورپوراسییالار فورمالاشدی، آرتیق رسورسلار اوغروندا مبارزه‌نین فورماسی، متودلاری دییشدی. سهملرله نظارت سلاحلا نظارتی اوسته‌لمه‌یه باشلادی، پارالل اولاراق دا ۲۱-جی عصرده یئنی تخنولوگییالارین، آلترناتیو انرژییه چیخیش امکانلارینین یارانماسی، آرتیق سلاح گوجونه رسورسلارا نظارت اؤز آکتواللیغینی ایتیرمه‌یه باشلادی.

Axar.az خبر وئریر کی، بو سؤزلری اقتصادچی اکسپرت ناطق جعفرلی قید ائدیب.

او بیلدیریب کی، بو گون باش وئرن، پروکسی شکلده داوام ائد‌ن اوچونجو دنیا ساواشی یوللار، لوگیستیکا اوغروندان گئدن ساواشدیر:

«بعضا بونو پافوسلا دموکراتییا ایله آوتوریتاریزمین مجادله‌سی، لیبرالیزمله کنسرواتیزمین توققوشماسی کیمی تقدیم ائتمه‌یه چالیشیرلار، اما اصلینده هر شی نظارت مسئله‌سیدیر. قدیمده کاروان یوللارینا کیم نظارت ائدیردیسه، او دا گوجلنیردی، ایندی ده عینی فلسفه ایله داورانیرلار.

سون زمانلار یاخین شرقین قان چاناغینا دؤنمه‌سینین، مینلرله گناه‌سیز انسانین قتل ائدیلمه‌سینین اصل سببی یوللار و لوگیستیکایا نظارت مسئله‌سیدیر. حتی بو زمان بئله بیرژالار، بازارلار، ترانسمیللی کورپوراسییالارین گوجو نظره آلینماقلا آددیملار آتیلیر - ان سون نمونه آمریکا ایله ایران آراسیندا اولان (گویا) گرگینلیکدیر. ایران پروکسیلردن ان یاخشی استفاده ائتمیی اؤیرنمیش اؤلکه‌دیر، بؤیوک بیر شبکه قوروب، ایرانین گوجلنمه‌سینه سبب اولان ایسه ائله محض آمریکا-دیر. ایران الیتاسی پوبلیک ریتوریکادا «رد اولسون امریکا» دئسه ده، آمریکا-نین سون ۲۰-۲۵ ایلده آتدیغی آددیملاردان ان چوخ دیویدنت قازانان اؤلکه اولدو. عراقا مداخله ائتدیلر – ایندی همین اؤلکه‌نین سیاستینی (کوردلر یاشایان بؤلگه‌لردن باشقا) ایران دیزاین ائدیر، معیینلشدیریر، حتی اداره ائدیر. یاخین شرقین ان دنیوی اؤلکه‌لریندن بیری اولان سوریایا مداخله ائتدیلر – همین اؤلکه‌ده ایران گوجلندی، اویونقوروجو اولدو، اوزون ایللردیر آرزوسوندا اولدوغو قورو یوللارلا اولان «شیعه قورشاغی» یارادا بیلدی؛ یمنی پیس گونه قویدولار – حوثیلر گوجلندی، یمنی فاکتیکی ایراندان گلن گؤستریشلرله اونلار اداره ائدیر؛ لیواندا دنیوی دولتین، کونستیتوسیون راضیلاشمانین تمللرینی زدله‌دیلر – ایرانیانلی قوه‌لر گوجلندی. حتی مذهب فرقلری اولماسینا باخمایاراق، فلسطینلیلره قارشی دنیانین، آمریکا-نین عدالتسیز مؤوقعیینه گؤره فلسطینده ده ایران گوجلندی - اوللر فلسطین مسئله‌سینده ایرانین گوجو یوخا یاخین ایدی.

سون حادثه: ایرانین پروکسیلری آمریکا حربی بازاسینی ووردو، ۳ عسگر هلاک اولدو، ۴۰-آ یاخین یارالاندی، ۲۰۲۴-ده سئچکی ایلینی ده نظره آلساق، بایدن، آغ ائو جواب وئرمه‌یه بیلمزدی، حتی هارالاری ووراجاغینی آز قالا پوبلیک اعلان ائتدیلر کی، ایرانا بؤیوک زیان دا دیمه‌سین».

اکسپرت بیلدیریب کی، سوریا و عراقداکی ایرانا باغلی قوه‌لرین فورالین ۲-دن ۳-نه کئچن گئجه وورولماسینین دا سببی وار:

«چونکی ۵-جی گوندن ۶-جی گونه کئچن واخت ایدی، بیرژالار باغلی ایدی، ضربه‌لر سهم و قیمت بازارینا تأثیر ائتممه‌لی ایدی، اونا گؤره ده هفته‌سونونو سئچدیلر».

جعفرلینین فکرینجه، یاخین شرقده سون گرگینلیین بو قدر آلوولانماسی هیندیستاندا کئچیریلن سون جی۲۰ ساممیتی ایله باغلیدیر:

«ساممیتده هیندیستان–یاخین شرق–آوروپا اقتصادی دهلیزی اعلان ائدیلیب. هیندیستان، بیرلشمیش عرب امیرلیکلری، سعودیه عربیستانی، آمریکا، فرانسا، آلمانیا، ایتالیا و آوروپا اتفاقی داخل اولماقلا، جمعی ۸ اؤلکه‌نین بو لایحه‌نین بیر حصه‌سی اولاجاغی بیلدیریلیب. بو لایحه‌دن، عینی زماندا، اسرائیل و ایوردانیانین دا فایدالاناجاغی وورغولانیب. مومبایدان باشلایاجاق یئنی دهلیز چینین «بیر کمر، بیر یول» لایحه‌سینه آلترناتیو کیمی فعالیت گؤسترمه‌لیدیر. عمومی اوزونلوغو ۶ مین کیلومتر اولاجاق دهلیزین ۳ مین ۵۰۰ کیلومتری دنیز مارشروتو اولاجاق. بیلدیریلیر کی، دهلیز ایشه دوشدوکدن سونرا هیندیستاندان آوروپایا یوکلرین داشینماسینا ۴۰% آز واخت صرف اولونا بیلر.

هه، بوردا خوروزون قویروغو گؤرونمه‌یه باشلاییر – چینین تکلیف ائتدیی، روسیا و ایرانین جدی دستکلدیی لایحه‌یه آمریکا چینین از‌لی رقیبی هیندیستان واسطه‌سی ایله مانع اولماغا قرار وئرن کیمی یاخین شرق محض یئنی لوگیستیک یوللارین کئچدیی بوتون مارشروت اوزره قان چاناغینا دؤندو. ترور تشکیلاتی و روسیا ایله جدی علاقه‌لری اولان حماس اسرائیله هجوم ائتدی، اسرائیل منتیقسیز اولاراق چوخ آشیری رئاکسییا وئریب آغینا-بوزونا باخمادان بمبالار یاغدیردی، مینلرله اوشاق، قادین، قوجا هلاک اولدو، ایرانین بوتون پروکسیلرینین مناقشه‌یه مداخل اولماسینا شرایط یاراندی، آمریکا-هیندیستان-اسرائیل-آوروپا مارشروتو هاردان کئچه‌جکدیسه، اورالار «جهنمه» دؤندو، حتی گمیلر، تانکرلر همین یوللا حرکت ائتمکدن امتنا ائتدی، یئنی یولون تهلوکه‌سیزلیی جدی مذاکره مسئله‌سی اولدو، پتنسیال اینوستورلارین بو یئنی لوگیستیک مارشروتا اینامی آزالدی – بو ایشدن کیم اوددو؟! بلی، چین، روسیا و ایران. اودوزان ایسه گناه‌سیز انسانلار اولدو، اؤلوم-ایتیم، داغینتی آرتدی، دشمنچیلیک آلوولاندی.

اگر دنیادا لوگیستیکا اوغروندا بئله جدی مجادله باشلاییبسا، حتی گرگینلشه‌رک داوام ائد‌جکسه، بیز، آذربایجان بوندان زیانسیز، حتی دیویدئندله چیخماغی باجارمالی، یئنی لوگیستیک مرکزه، تجارتین یئنی «کاروانسارایینا» چئوریلمک اوچون چالیشمالییق. بونون اوچون ایسه آچیق اقتصادی مدل و صلح لازمدیر. آچیق اقتصادی مدل اوچون یئنی سیستمه، صلح اوچون ایسه دانیشیقلارین اینتنسیولشدیریلمه‌سینه احتیاج وار».