ارمنیستان فرانسانین تهریکی ایله جرموخ استقامتینده آذربایجان حرب‌چیلرینین مؤقعلرینه هجوم ائدیب یوکسکلیکلره نظارتی گئری قایتارماق ایستیرسه، بونون ارمنیستان اوچون آغیر نتیجه‌لری اولاجاق. بیرینجی‌سی، آذربایجان اردوسو همین یوکسکلیکلرین قارشی طرفین نظارتینه کئچممه‌سی اوچون داغیدیجی ضربه‌لر ائندیرجک، پیلوتسوز اوچوش آپاراتلاری یئنی‌دن ایشه دوشجک. ایکینجی‌سی، ۸ کندیمیزله باغلی دانیشیقلاری داوام ائتدیرمه‌یه احتیاج قالمایاجاق، اردوموزون همین کندلره داخل اولماسینا انگل قالمایاجاق. اوچونجوسو، ارمنیستانین غربی زنگزورو ایتیرمک تهلوکه‌سی آرتاجاق.

Axar.az خبر وئریر کی، بو سؤزلری پولیتولوگ ائلخان شاهین‌اوغلو قید ائدیب.

او بیلدیریب کی، ارمنیستانین تخریبات پلانی وارسا، بوندان اول ایروان دوستلاری ایله بیرگه آذربایجانا قارشی دئزینفورماسییا مخانیزمینی ایشه سالاجاق:

«یعنی تخریبات گونو خبر یایاجاقلار کی، گویا بیرینجی آتش آچان آذربایجان حرب‌چیلری اولوب و ارمنی حرب‌چیلری بو سببله «اراضیلرینی» گئری قایتارماغا چالیشیبلار. بو دئزینفورماسیا ارمنیستانا و اونون هوادارلارینا اونا گؤره لازم اولاجاق کی، بین‌الخالق عالم‌ده آذربایجانا قارشی سانکسییا تطبیقینی حیاتا کئچیره بیلسینلر. استراتژی یوکسکلیکلرین گئری قایتاریلماسی ارمنیستان اوچون حیاتی اهمیت داشییر. چونکی آذربایجان اردوسو همین یوکسکلیکلردن ارمنیستانین شهرلرینه، هوا لیمانلارینا و یوللارینا نظارت ائدیر. بو، ارمنیستان حکومتینی و گنراللارینی جدی ناراحات ائدیر. اونلار بو حاقدا آچیق دانیشماسالار دا، بیلیرلر کی، آذربایجان دانیشیقلار یولو ایله همین یوکسکلیکلری گئری قایتارمایاجاق. باش ناظر نیکول پاشینیان بونا گؤره صلح سازشینین امضالانماسینی یوبادیر. چونکی صلح سازشی ده همین یوکسکلیکلرین ارمنیستانا تحویل وئریلمه‌سینی تامین ائتمه‌یجک. آنجاق نیکول پاشینیان اونو دا آنلامالیدیر کی، یوکسکلیکلری گئری قایتارماق آوانتیوراسی اونا و اؤلکه‌سینه باها باشا گلجک، نه پاریس، نه ده آذربایجانا قارشی ممکون سانکسیالار اونو خلاص ائده بیلجک».