اگر بیز سووت اتفاقینا داخیل اولان زامان اراضیلردن دانیشیریقسا، بیلیرسینیزمی، بو کونتئکست‌ده سووت اتفاقینا قوشولما دؤوروندن دانیشماق هئچ ده دوزگون دئییل.

Axar.az خبر وئریر کی، بو سؤزلری ارمنیستان باش ناظری نیکول پاشینیان بریتانییانین «تلگراف» نشرینه مصاحیبه‌سین‌ده دئییب.

«نیه؟ چونکی اوچطرفلی و دؤردطرف‌لی فورماتدا ارمنیستان و آذربایجان آراسیندا الده اولونان راضیلاشمادا آلماتی بیاننامه‌سی اساسین‌دا ایکی اؤلکه‌نین بیر-بیرینین اراضی بوتؤولویونو تانییاجاغی یازیلی شکیلده قید اولونوب»، - او بیلدیریب.

پاشینیان بیلدیریب کی، آذربایجان طرفینین وئردیی آچیقلامالارا گؤره تحلیللر آپاریلیر و آذربایجانین الده اولونموش راضیلاشمالاردان گئری آددیم آتدیغینا دایر آنالیزلر وار:

«لاکین آذربایجان، خصوصاً، سوچی و پراگادا قبول ائدیلمیش بیاناتلاردان اؤز ایمضاسینی گئری گؤتوردویونو بیان ائد‌نه قدر تمامیله آیدیندیر کی، ارمنیستان و آذربایجان ۱۹۹۱-جی ایل آلماتی بیاننامه‌سی اساسین‌دا بیر-بیرینین اراضی بوتؤولویونو تانیییر. بو منطیقین عکسی قانونسوزدور».