پولشا پرزیدنتی آندژی دودا آذربایجان پرزیدنتی ایلهام علیئوه تبریک مکتوبو گؤندریب.

Axar.az مکتوبون متنینی تقدیم ائدیر:

"حرمتلی جناب پرزیدنت.

یئنی‌دن آذربایجان رسپوبلیکاسینین پرزیدنتی سئچیلمیینیز مناسبتیله سیزه ان صمیمی تبریکلریمی چاتدیریر و بو شرفلی، همچینین مسئولیتلی میسیانین یئرینه یئتیریلمه‌سینده اوغورلار آرزولاییرام.

امیدوارام کی، پولشا ایله آذربایجان آراسیندا اوزون‌مدتلی دوستلوق و محصولدار امکداشلیق بوندان سونرا دا دینامیک انکشاف ائد‌رک هم دولتلریمیزه، هم ده خالقلاریمیزا نظره‌چارپاجاق فایدالار گتیرجکدیر. همچینین امید ائدیرم کی، اؤلکه‌لریمیز آراسیندا اینتنسیو سیاسی دیالوگون داوام ائتدیریلمه‌سی و ایکی‌طرفلی مناسبتلر خصوصاً ده اقتصادی ساحه‌ده بیرگه لایحه‌لرین و عهده‌لیکلرین حیاتا کئچیریلمه‌سی یولو ایله داواملی شکلده انکشاف ائتدیریلجکدیر. آذربایجانین آوروپا اتفاقی ایله علاقه‌لرینین یئنی امکداشلیق سازشی چرچیوه‌سینده داها دا درینلشجیینه و بونون ایکی‌طرفلی ساحه‌ده ده نظره‌چارپاجاق فایدالار گتیرجیینه امیدوارام.

جناب پرزیدنت، آرزو ائدیرم کی، نوبتی صلاحیت مدتینیزده آذربایجانین هرطرفلی انکشافی، اؤلکه‌نین بین‌الخالق عالم‌ده ایمیجینین محکملندیریلمه‌سی اوچون نظرده توتدوغونوز بوتون پروگراملاری حیاتا کئچیرسینیز.

بوندان علاوه، من سیزین اوچون الوئریشلی واختدا پولشایا رسمی سفر دعوتیمی بیر داها تصدیق ائدیرم.

جناب پرزیدنت، سیزه جانساغلیغی، آذربایجان رسپوبلیکاسینین محکملنمه‌سی و اونون بوتون وطنداشلارینین فراوانلیغی نامینه فعالیتینیزده بؤیوک اوغورلار آرزولاییرام".