ارمنیستان آذربایجانین اولجه‌دن راضیلاشدیریلمیش پرینسیپلر اساسیندا دانیشیقلارا قاییتماسینی گؤزلییر.

Axar.az خبر وئریر کی، بونو ارمنیستانین خارجی ایشلر ناظیری آرارات میرزویان بروکسلده آوروپا اتفاقی-ارمنیستان طرفداشلیق شوراسینین نوبتی اجلاسی چرچیوه‌سینده آوروپا اتفاقی دیپلماتیک خدمتینین رهبری جوزف بورل ایله بیرگه بریفینگده دئییب.

میرزویان ارمنیستانین ۲۰۲۲-جی ایلین اوکتیابریندا پراگادا و ۲۰۲۳-جو ایلین پاییزیندا گرانادادا دؤردطرفلی بیاناتلارینی، همچینین آوروپا اتفاقی شوراسینین پرزیدنتی شارل میشلین ارمنیستان و آذربایجان لیدرلری ایله ۲۰۲۳-وجو ایلین مای و ایول آیلاریندا کئچیریلمیش اوچ‌طرفلی گؤروشلردن سونرا اعلان ائتدیی قرارلاری یئرینه یئتیرمه‌یه حاضر اولدوغونو تصدیقلییب.

او خاطیرلادیب کی، ارمنی طرفی امیندیر کی، ایکی اؤلکه آراسیندا سرحدین معین ائدیلمه‌سی اوچون اساس سووئت اتفاقینین صلاحیتلی اداره‌لرینین سون خریطه‌لری اولمالیدیر.

"هئچ بیر یئنی سرحد یاراتماغا احتیاج یوخدور: سادجه اولاراق گؤستریلن سرحدلر تکرارلانمالیدیر"، - میرزویان علاوه ائدیب.