ارمنیستان طرفی حقیقتا ده صلح پروسسینده ماراقلی‌دیرسا، آذربایجانین اراضی بوتؤولویو و سووئرنلیینه قارشی ادعالاریندان ال چکمه‌لیدیر.

Axar.az خبر وئریر کی، بو فکرلر آذربایجان خارجی ایشلر ناظیرلیینین ارمنیستانین باش ناظیری نیکول پاشینیانین ۱۵ فورال تاریخینده حکومت اجلاسیندا چیخیشینا دایر شرحینده یئر آلیب.

بیلدیریلیب کی، ۱۹۹۱-جی ایلین سرحدلری و آلما-آتا بیاننامه‌سی اساسیندا اراضی بوتؤولویونه و دلیمیتاسییانین حیاتا کئچیریلمه‌سینه استناد ائد‌ن ارمنیستان طرفینین سون ۳۵ ایله یاخین مدتده نیه گؤره بو خریطه‌لره و راضیلیقلارا عمل ائتمدیینه، سووئت خریطه‌لرینده عکسینی تاپمیش سرحدلری قبول ائتمکدن امتنا ائتدیینه، آذربایجان اراضیلرینی اشغال ائتدیینه ایضاحات وئرمه‌سی یاخشی اولاردی:

"ارمنیستانین بوتون قونشولارینین اراضی بوتؤولویونو دستکلدیینی ادعا ائد‌ن باش ناظیره ارمنیستان کنستیتوسییاسیندا، قوه‌ده اولان قانون‌وئریجیلیک آکتلاریندا، رسمی مکتوبلاریندا، رسمی بیاناتلاریندا، بین‌الخالق تشکیلاتلار و محکمه‌لرده یایدیغی سندلرده آذربایجانین اراضی بوتؤولویونه قارشی داوام ائد‌ن ادعالارینی خاطیرلاتماق ایستردیک".