پرزیدنت ایلهام علیئو ۱۴ فورالدا میللی مجلسده آندایچمه مراسمینده چیخیش ائدرکن آذربایجان سرحدلرینین داها گوجلو قورونماسینا دایر ده اهمیتلی جمله‌لر ایشلدیب. «ایکینجی قاراباغ محاربه‌سیندن سونرا بیز هم ده او واخت اشغال آلتیندا اولان آذربایجان-ایران سرحدینه قاییتمیشیق» دئین پرزیدنتین سونراکی جمله‌سی ده ماراقلیدیر: «سرحدلریمیزین محکملندیریلمه‌سی نتیجه‌سینده هم فیزیکی رسکلردن قورونمالییق، هم ده اؤزوموزو ایدئولوژی ریسکلردن قورومالییق. ایدئولوژی ریسکلر سرحد تانیمیر، خصوصیله ایندیکی شرایط‌ده».

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

اونون فکرینجه، پرزیدنت «ایدئولوژی ریسکلر» دئدیکده ایراندان گلن تهلوکه‌نی نظرده توتوب:

«سرحدلریمیزین اشغالی ایللرینده ایرانین موافق قوروملارینین قاراباغ سپاراتچیلارییلا سیخ علاقه‌لری وار ایدی. اشغال آلتینداکی سرحددن نارکوتیک ماده‌لردن توتموش سلاح-سورساتا قدر، «محصوللار» داشینیردی. داغیدیلمیش شهر و کندلریمیزین داش و تاختالاری دا ایرانا داشیناراق ساتیلیب. ایکینجی قاراباغ محاربه‌سیندن سونرا بونا سون قویولدو. ایندی سرحدین همین حصه‌لرینین گوجلندیریلمه‌سی پروسسی گئدیر».

اکسپرت وورغولاییب کی، آذربایجانلا ایران آراسیندا یئنی سرحد-کئچید منطقه‌لرینین آچیلماسینا باخمایاراق، قورو سرحدلرین هله ده باغلی قالماسی تهلوکه‌سیزلیک عامللریله باغلیدیر؟

«آنجاق اوراسی دا وار کی، قونشولارلا قورو سرحدلرین ابدیته قدر باغلی ساخلانیلماسی دا ممکون دئییل».