ایل‌یاریم اول ایلهام علیئو آنکلاولاردان دانیشاندا ارمنیستاندان جدی رئاکسییا اولمادی، اما بو گون باش ناظر نیکول پاشینیان دئییر: سیز آنکلاولاردان دانیشیرسینیز، اوندا منیم ۳۲ کندیمین اراضیلرینی ترک ائدین، اوندان سونرا آنکلاولاردان دانیشاریق.

Axar.az خبر وئریر کی، بو سؤزلری حاکم «ملکی مقاوله» پارتییاسیندان اولان ملت وکیلی آکوپ آسلانیان ارمنی مدیاسینا آچیقلاماسیندا دئییب.

«بو او دئمکدیرمی کی، ارمنیستان یاواش-یاواش گوجونو برپا ائدیر و اؤز وطنداشلارینین تهلوکه‌سیزلیینی، اراضی بوتؤولویونو قوروماغا حاضردیر؟ ساده‌جه دینامیکایا باخین. بیزه داها ۱-۱،۵ ایل واخت لازمدیر کی، قددیمیزی تمامیله دوزلده بیلک، تورکلرله باشقا جور دانیشاق»، - آسلانیان بیلدیریب.

ملت وکیلی آذربایجانین محاربه ایله هدلمه‌سی، حربی یوللا آنکلاولاری گئری قایتاراجاغینی بیان ائتمه‌سی ایله باغلی ایرادلارا بئله جواب وئریب:

«اگر محاربه یولو ایله بونا نایل اولا بیلسیدیلر، بونو چوخدان ائدردیلر. ایندی شانتاژ ائدیرلر، دئییرلر کی، آنکلاولاردان ال چکمه‌سه‌ن، زورلا آلاجام. اصل شانتاژچی آذربایجاندیر».

او، امین اولدوغونو بیلدیریب کی، آذربایجانلیلار «ارمنیستان اراضیلرینی» ترک ائتمدیکجه، ارمنیستان هئچ بیر آنکلاو وئرمه‌یه‌جک:

«باش ناظیرین آچیقلامالارینی ایزلسه‌نیز، سؤزلریمیزین نه قدر ایناملی اولدوغونو گؤرجکسینیز. بونون اساسیندا اؤلکه‌میزین اقتصادی، سیاسی، حربی و بوتون دیگر ساحه‌لرده لنگ، لاکن دقیق و کونکرت انکشاف الده ائتمه‌سی دایانیر. بو گون اؤلکه‌میز یاواش-یاواش، لاکن آیدین شکلده بلینی دوزلدیر. تورک سرحدلریمیزی نئجه محکملندیردییمیزی گؤرور. ۱-۲ ایلدن سونرا او، هئچ بیزیمله بئله دانیشا بیلمه‌یه‌جک.

بو گون حربی بودجه‌میزه آذربایجاندان داها چوخ پول آیریلیر. بیزیم بودجه‌میز آذربایجانین بودجه‌سینین یاریسی اولسا دا، اونلارین اراضی‌سی بیزدن ۳ دفعه بؤیوکدور».

قید ائدک کی، ارمنیستان باش ناظیری اؤتن ایل وئردیی آچیقلامادا آنکلاولارین «دییشدیریلمه‌سی» مسئله‌سینی گوندمه گتیرمیش، بونا باخمایاراق، آذربایجانین اشغالدا ساخلانیلان ۸ کندینین ارمنیستانین «۲۹،۸ مین کوادرات کیلومتر اراضی‌سینه» عاید اولمادیغینی اعتراف ائتمیشدی. آذربایجان اشغالدا اولان ۸ کندین ۴-نون تام سرحدده اولدوغونو و آنکلاو اولمادیغینی بیلدیردیکدن، اونلارین قایتاریلماسینی طلب ائتدیکدن، دیگر ۴ آنکلاوین مذاکره‌سینی سونرایا ساخلاماغا حاضر اولدوغونو اعلان ائتدیکدن سونرا ایسه نیکول پاشینیان گویا ۳۲ کندین اوزرینده‌کی یوکسکلیکلرده آذربایجان اردوسونون دایاندیغینی ادعا ائد‌رک، اولکی موقعییندن و سؤزوندن امتنا یولونو توتوب.