فورالین ۱۶-دا خاریجی ایشلر ناظری جیحون بایراموو مونحن تهلوکه‌سیزلیک کنفرانسی چرچیوه‌سینده قارشی طرفین مراجعتی اساسیندا آمریکا دولت کاتیبینین آوروپا و آوراسییا مسئله‌لری اوزره کمک‌چی‌سی جیمس اوبراین ایله گؤروشوب.

Axar.az خبر وئریر کی، بو باره‌ده خاریجی ایشلر ناظیرلییینین ایکس حسابین‌دا پایلاشیم ائدیلیب.

گؤروش زامانی ایکی اؤلکه آراسیندا ایکیطرف‌لی و چوخطرف‌لی گونده‌لیکده دوران مسئله‌لر، هابئله آذربایجان و ارمنیستان آراسیندا ایکیطرفلی اساس‌دا نورماللاشما پروسسینین پرسپکتیولری مذاکیره اولونوب.

«ناظر جیحون بایراموو ۵ آی ثابت‌لیک حکم سوره‌ندن سونرا هئچ بیر تهریک ائدیجی عامل اولمادان سنایپر آتشی نتیجه‌سینده آذربایجان حربی قوللوقچوسونون یارالانماسی ایله نتیجه‌لنه‌ن ارمنیستان تخریباتینین صولح پروسسینه ضربه وورماق مقصدی داشیدیغینی دقته چاتدیریب.

بونونلا یاناشی، آوروپا بیرلیینین ارمنیستان‌داکی میسییاسینین رگیونال ثابتلیک، هابئله آذربایجانلا ارمنیستان آراسیندا اعتیماد قوروجولوغونا تؤهفه وئرمک کیمی بیان ائدیلمیش مقصدلرینه ضد اولاراق، آذربایجان علیهینه تبلیغات واسطه‌سی کیمی گئنیش شکیلده سوء-ایستیفاده اولونماسینین، اونلارین آپاردیغی «بینوکل دیپلماتییاسینین» قبول ائدیلمزلییی دقته چاتدیریلیب.

صولح سازیشی لاییحه‌سینه گلدیکده ارمنیستانین کونستیتوسییاسین‌دا، قانون وئریجیلیک آکتلاریندا، بین‌الخالق تشکیلات و محکمه‌لرده اؤلکه‌میزین اراضی بوتؤولویو و سوورنلیینه قارشی داوام ائد‌ن ادعالار بیر داها خاطیرلانیب و بو ادعالاردان ال چکمیین واجیب‌لییی وورغولانیب.

گؤروشده، هابئله قارشیلیقلی ماراق دوغوران دیگر ایکیطرفلی و رگیونال مسئله‌لر اطرافیندا فیکیر مبادیله‌سی آپاریلیب»، - دئیه معلوماتدا قید اولونوب.