ماسادا واجب بیر مسئله واردی: طرفلر پراگادا دؤردطرفلی گؤروش، ائلجه ده بروکسل دانیشیقلاری زمانی الده ائدیلمیش راضیلاشمالاری تصدیقله‌یه‌جکلرمی؟ عمومی‌لشدیرسک، قید ائتمک اولار کی، طرفلر بو راضیلاشمالارا صادق قالیرلار.

Axar.az خبر وئریر کی، بو سؤزلری ارمنیستان باش ناظیری نیکول پاشینیان مونحنده پرزیدنت ایلهام علیئوله کئچیردیی گؤروشون نتیجه‌لری باره‌ده ارمنی دیاسپورونا معلومات وئررکن دئییب.

«خارجی ایشلر ناظیرلرینین تئزلیکله گؤروشمه‌سی، بوندان سونرا سرحدلرین دمارکاسییاسی ایله باغلی گؤروشون ده باش توتماسی راضیلاشدیریلیب. عمومیتله، الده اولونموش راضیلاشمالارا عمل اولونارسا، او زمان راضیلاشمالارین حیاتا کئچیریلمه‌سی سرحدده‌کی گرگینلیین آزالدیلماسینا کمک ائدر، بیر داها دئییرم، راضیلاشمالارا عمل اولونارسا. بیز اؤز طرفیمیزدن، البته کی، بو راضیلاشمالارا عمل ائتمکده قرارلییق»، - پاشینیان بیلدیریب.

پاشینیان قید ائدیب کی، خارجی ایشلر ناظیرلرینین گؤروشو صلح مقاوله‌سینین متنی اوزره گله‌جک مذاکره‌لره و راضیلیغا حصر اولونمالیدیر:

«البته کی، صلح سازشینین بیر سیرا ماده‌لری راضیلاشدیریلیب، لاکن بیر سیرا اساس ماده‌لر هله ده راضیلاشدیریلماییب. بو استقامتده ایشلر آپاریلمالیدیر و بیز بو ایشی حیاتا کئچیرمه‌یه راضیلاشدیق».