آذربایجان غرب پلاتفورماسیندا دانیشیقلارا او حالدا راضیلاشاجاق کی، گؤزلنتیلرینین تام شکلده رئاللاشاجاغینا امین اولاجاق.

Axar.az خبر وئریر کی، بو سؤزلری ارمنی پولیتولوق بنیامین ماتووسیان دئییب.

«بو، قاراباغلا باش وئردی – یعنی قاراباغی تام الده ائتمک اوچون غرب پلاتفورماسیندا دانیشیقلار لازم ایدی. اگر آذربایجان مطبوعاتیندا یاییلان معلوماتلار دوغرودورسا و سونرادان غربین حمایه‌سی آلتیندا آذربایجانین راضی‌لیغی ایله دانیشیقلارین برپا اولوندوغونو گؤرریکسه، بو، او دئمک اولاجاق کی، باکی ارمنیستانی تمامیله اله کئچیرمیی حسابلاییر. من هئچ ده شیشیرتمیرم، چونکی علیئوین سئچکیلره گئتدیی پروگرامی محض بونونلا باغلی ایدی»، - او بیلدیریب.

ماتووسیان قید ائدیب کی، مونحن گؤروشونو ارمنیستان طرفی اوچون مغلوبیت حساب ائتمک اولار، چونکی ایلکین اولاراق ارمنی طرفینین مؤوقعیی بئله ایدی کی، غرب پلاتفورماسیندا دانیشیقلاردا هانسی‌سا اؤلکه تمثیل اولونمالیدیرسا، او، فرانسا اولمالیدیر.

«اصلینده، بورادا دا پاشینیان گذشته گئتدی و ماکرونو شولتس عوض ائتدی».

قید ائدک کی، شولتس مونحن گؤروشونده یالنیز تشببوسکاردیر، گؤروش ایسه علیئو و پاشینیان آراسیندا ایکی‌طرفلی قایدادا کئچیریلیب.